26 iyun 2017, Bazar ertəsi
Ana Səhifə - - Qənirə Paşayevanın şəkli
Qənirə Paşayevanın şəkli
14.08.2012, 10:11

Millət vəkili Qənirə Paşayevanın Somalidə yardıma ehtiyacı olan insanların harayına çatması birmənalı qarşılanmadı. Müxtəlif düşərgələrdə təmsil olunan ayrı-ayrı adamlar sosial şəbəkələrdə Qənirə xanımın bu təşəbbüsünə təpki göstərdilər. Etiraz notları üzərində köklənmiş bəzi məqalələr isə hətta qəzet səhifələrinə də yol tapdı. Hansı ki, mən, müəlliflik hüququ Qənirə Paşayevaya məxsus olan bu təşəbbüsün müsbət nümunə kimi təbliğ olunmasını gözləyirdim...

Qənirə Paşayevanı ittiham edın adamların söykəndikləri əsas arqument budur: deputat öz ölkəsində minlərlə uşağın bir tikə çörəyə möhtac olduğunu bildiyi halda, niyə Somali vətəndaşı olan ac adamların köməyinə çatır? Yetim-yesirin haqqını yeyən, rüşvət alan, korrupsiyaya bulaşıb, özünü də, daşıdığı vəzifəni də hörmətdən salan adamların ittiham olunduğunu indiyə kimi çox görmüşəm. Tənqidçi jurnalistikanın nümayəndəsi kimi mənim özüm də bu cür adamlara qarşı həmişə amansız olmuşam. Amma yetim-yesirin qarnını doyuran, yıxılana əl uzadan, bir xəstənin yarasını sarıyan adamın tənqid olunduğunu birinci dəfədi görürəm. Hələ də başa düşə bilmirəm ki, əl boyda çörəyə, bir stəkan suya möhtac olan bir körpənin qarnını doyurmaq, ona ana qayğısı, bacı nəvazişi göstərmək nə vaxtdan qəbahət sayılır?


Qənirə Paşayevanın Somalidə yaşamaq uğrunda ölüm-dirim savaşı verən bir qrup adamın əhatəsində şəkil çəkdirməsi bəzi dostlarımızı əməlli-başlı qıcıqlandırıb. Sən demə, Qənirə xanım həmin şəkli Facebook sosial şəbəkəsində paylaşmamalıymış. Niyə? Sosial şəbəkələrin əsas missiyası məlumatları paylaşmaq, bilgi alış-verişində bulunmaq deyilmi? Axı, həmin şəkillər insanların Somalidəki acınacaqlı vəziyyəti daha asan qavramasına kömək edir. Lütfən, fotoaparatın obyektinə boylanan zavallı Somali vətəndaşlarının kədərli gözlərinə diqqətlə baxın. Həmin şəkillər olmasa, dünya Somalidə milyonlarla insanın olmazın əzab-əziyyətlərə qatlaşmasından necə xəbər tutacaq?

Facebook sosial şəbəkəsində 2500-dən çox dostum var. Virtual aləmdə dostluq etdiyim bu adamların əksəriyyəti siyasi partiya təmsilçiləri, vətəndaş cəmiyyətinin fəalları və aparıcı KİV-lərin əməkdaşlarıdır. Facebook sosial şəbəkəsində olan dostlarım hər gün yüzlərlə şəkil paylaşırlar. Biri oğlunun, digəri qızının, bir başqası isə həyətindəki çiçəklərin şəklini dostlarına göndərir. Jurnalist var ki, meşədə bişirdiyi kababın şəklini də virtual aləmdəki dostları ilə paylaşır. Amma heç kim bunu həmin adama irad tutmur. Əksinə, əlində şiş fotokameraya poz verən həmin jurnalist bir-iki saat ərzində 30-40 “like” toplayır. Demək istəyirəm ki, bizlərlə müqayisədə Qənirə Paşayevanın bu cür şəkillər paylaşmaq imkanı daha genişdir. Yay tətilini Antalyanın qumlu sahillərində deyil, Somalidə müxtəlif yoluxucu xəstəliklərin daşıyıcısı olan zavallı insanların əhatəsində keçirdiyi üçün biz ona təşəkkür etməliyik. Bunu bacarmırıqsa, heç olmasa mane olmamalıyıq.

Dünən arxivimi səliqəyə salanda, bu yazı ilə birlikdə sizlərə təqdim olunan foto əlimə keçdi. Yaddaşımdan şikayətim olmadığı üçün mən həmin şəklin 2009-cu ildə çəkildiyini asanlıqla xatırladım. Həmin vaxt mən “525-ci qəzet”in və Modern.az saytının birgə layihəsi olan “Deputat vədi” rubrikası çərçivəsində yazı hazırlamaq üçün Tovuz rayonuna getmişdim. Qənirə Paşayeva isə seçicilərinin Qurban bayramını təbrik etməyə gəlmişdi. Tovuzlu dostum Qənirə xanımın kasıb bir ailənin qonağı olduğunu deyəndə, fürsəti əldən verməyib həmin evə yollandım. Şəkildə Qənirə xanımın sağ tərəfində oturan uşağın adı İlqardır. Həmin vaxt İlqarın 5 yaşı vardı. Qənirə xanım hərəkət imkanı məhdud olan İlqara əlil arabası, onun valideynlərinə isə bayram sovqatı gətirmişdi. Evin sahibəsi millət vəkilinin göstərdiyi diqqətdən təsirləndiyi üçün ona sarılıb ağlayırdı. Peşəkar fotoqraf olmasam da, elə bilirəm ki, həmin anı tuta bilmişəm. Tovuzda olanda eşitdim ki, Qənirə Paşayeva həmin gün İlqarın həmyaşıdı olan Xətaiyə də əlil arabası bağışlayıb. Deputat olduğu ötən 7 ildə Qənirə xanım İlqar və Xətai kimi yüzlərlə uşağı sevindirib. Hansı ki, həmin vaxt Somalidə insanlıq adına ləkə olan bu cür utancverici mənzərələr yaşanmırdı...

Mən, əminəm ki, bu gün sizlərə təqdim olunan şəkil Qənirə Paşayevanın arxivində yoxdur. Çünki bütün vicdanlı insanlar kimi Qənirə xanım da təmənnasız yaxşlıq edir. Buna baxmayaraq, mən gələcəkdə İlqarın, Xətainin və yüzlərlə digər körpə fidanımızın Qənirə Paşayevanın etdiyi yaxşılıqları xatırlayacağına tam əminəm. Uzaq Somalidə fotoaparatın obyektinə boylanan uşaqlar da Qənirə Paşayevanı həmişə sonsuz məhəbbətlə anacaqlar. Axı, bəzi böyüklərdən fərqli olaraq, uşaqlar yaxşılığı unutmurlar...


AZERBAYCANLI
14.08.2012, 01:48

MILLET VEKILLERIMIZIN HECH OLMASA 20 FAIZI QENIRE KIMI MILLETINI DOVLETINI SEVSE IDI

Eldəniz
14.08.2012, 02:23

Maraqlı yazıdır. Mənə xoş təsir baqişladi.

Elihüseyin Veliyev
14.08.2012, 02:24

Seymur bey. Meqaleye ve shekile gore Size teshekkür edirem.Siz ela jurnalist hem de esl qeyretli AZERBAYCANLİSİNİZ!!!!!!!!!

Gülçin
14.08.2012, 02:51

Qənirə xanımla fəxr edirik.

Seymur
14.08.2012, 03:31

Qenire xanm gundemde olduqu butun movzularda, numune gosterilecek qadindi.

Kamil
14.08.2012, 04:15

Əla yazıdı. Açığı Qənirə xanımdan mən yazacaqdım. Təbrik edirəm.

Etibar
14.08.2012, 04:16

Kamil Həmzəoğlu məktəbi inkişaf edir. Qadın deputatlardan yazmaq lazımdır.:)))

GULSEL
14.08.2012, 04:45

Qenire xanim Fb de shekil cekdirib yuklemeseydi ve sizin kimi bir jurnalsit onun Somalide shekilini cekib nevaxtsa ictimaiyyete yayacagdi/ Onun Fb de shekiller yuklemesi qinaga sebeb olub

Xanım
14.08.2012, 05:30

Hər insanın daxilində mərhəmət deyilən bir hiss var.Və bu hiss hheç vaxt ölmür.Tutduğu vəzifədən, yaşadığı ölkədən asılı olmayaraq hər kəs insanlıq borcunu bir cürə ödəyir. Bunu qınamaq yox, təqdirə layiq hesab etmək hər birimizin insanlıq borcudur. Somaliyə gedən Ancelina Coli ilə Qənirə Paşayeva arasında heç bir fərq yoxdu. Azərbaycan İnsanına qiymət verməyi bacarmaq lazımdır

Narmin
14.08.2012, 05:31

Men chox sevinirem ki,Qanira xanim kimi millet vekilimiz var,onun bu teshebbusunu yuksek qiymetlendirirem.Heyif onun bu teshebbusunu qiymetlendirmeyen hem yerlilerimizden.Qinaq obyektine chevrilesi o qeder insanlar var ki.......

Nahid
14.08.2012, 05:31

Sanku bu yazinin muellifi muxalifetin unlu jurnliasti deyil. Mushviq Elesgerli yolu ile gedir Seymur.....

Sona
14.08.2012, 06:21

Seymur .ene hormet edirem amma nedense Kamil Hemzeoglu ile sen hemise medhiyye yazilari yazirsiz

Nigar
14.08.2012, 06:42

Qənirə xanım burdakılara əlindən gələn köməkliyi edib və edecəyinə də inanıram.Onu ittiham edənlər,indi növbə sizindi,bəlkə siz də nəsə edəsiniz,bacararsiz?!!!

Kamil Həmzəoğlu (Həmidov)
14.08.2012, 07:18

"Kamil" adlı şərh yazanın mən Kamilə heç bir aidiyyəti yoxdur. "Etibar" adlı etibarsız sayılan xəstəyə və "Sona" adı altında gizlənən "sonalar sonası"na isə qısaca olaraq demək istəyirəm, gedin, hoppanın! Seymura və onun yazısına gəlincə də bildirmək istəyirəm ki, bu, necə deyərlər, onun öz daxili işidir, ürəyi necə istəyib, onu da qələmə alıb, belə bir yazının yazılmasına doğrudan da, ehtiyac var idi. Eşq olsun, əziz bacım Qənirə xanıma və Seymur qardaşıma!

nushu nur zeynal
14.08.2012, 08:14

bos bos ittihamlarinizdansa siz de bir ise yarayin sonra kiminse emelini beyenmeyin................. lutfen gorulen ise qiymet verin,,,

Sona
14.08.2012, 08:37

Maraqlidi Seymura Kamilden destek geldi. Cunki onlar bir-birlerini daha yaxshi anlayirlar. Cunki eyni stilde )))) yazirlıar. Bir de Kamil uspet edib Qenire xanim haqda yaza bilmediyi ucun Seymurun yazisi vasitesile xod edir. Ele sey yoxdu sen de birini yazmalisan

Şərh yaz

Bu kateqoriyadan olan xəbərlər
SON XƏBƏR
26.06.2017, 14:00

Heydər Əliyev Mərkəzinin parkında şahmat turniri keçirilib

26.06.2017, 13:43

Xalq artisti Qəndab Quliyeva vəfat etdi

26.06.2017, 13:21

Müdafiə Nazirliyinin rəhbərliyi Fəxri və Şəhidlər xiyabanlarını ziyarət edib

26.06.2017, 13:06

Bakıda yolu keçən piyadanı maşın vurdu

26.06.2017, 12:29

Sabahın hava PROQNOZU: - 38° isti

26.06.2017, 11:55

“Mercedes" ana-balanı vurdu - ana yaralandı, qızı öldü

26.06.2017, 11:33

Bu gün Silahlı Qüvvələrdə “Açıq qapı” günü keçirilir

26.06.2017, 11:17

Gənc şair: “Populyar müğənnilər, TV-lər istedalı gənclərə haqsızlıq edirlər”

26.06.2017, 11:12

Qəndab Quliyevanın ölüm xəbəri yayıldı - Həkim TƏKZİB ETDİ

26.06.2017, 11:07

16 məzun buraxılış imtahanlarından qovuldu

26.06.2017, 10:28

Azərbaycanda telefon dəbi “ölüb” - SƏBƏBLƏR

26.06.2017, 10:13

Milli Məclis bu hakimləri vəzifədən azad edəcək - SİYAHI

26.06.2017, 10:07

"Bəzi dövlətlər Azərbaycanda dini qarışıqlıq salmaq istəyirlər"

26.06.2017, 10:05

Şəhid ailələri, Qarabağ əlilləri üçün sonuncu iftar süfrəsi açılıb

26.06.2017, 10:03

Ordumuzun ilk Qərargah rəisi: “Fəxr edirəm ki, müsəlman ordusunun generalı kimi güllələnirəm”

26.06.2017, 09:53

Azərbaycan məscidlərində bayram namazı qılındı

26.06.2017, 09:47

Ermənistan cəbhədə təxribatı davam etdirir

26.06.2017, 09:43

Deputat “Aprel döyüşləri”nin iştirakçıları və şəhid ailələri ilə görüşdü

26.06.2017, 09:36

İmişlidə bir nəfər Araz çayında itkin düşüb

26.06.2017, 09:33

Göyətəsində 150 turist olan qayıq batdı: 6 nəfər boğuldu, 31 nəfər itkin düşdü

26.06.2017, 09:12

Ramazan qara bayram deyil, ağ bayramdır

26.06.2017, 09:02

Pakistanda partlayış - ölənlərin sayı 152-yə çatdı - YENİLƏNİB-2

26.06.2017, 00:44

Azərbaycan Ramazan bayramını qeyd edir  

26.06.2017, 00:32

MÜDAFİƏ NAZİRLƏRİMİZ -  Xosrov bəy Sultanovdan Zakir Həsənovadək...  

25.06.2017, 23:35

99 il öncə yaradılan MİLLİ ORDU  

25.06.2017, 23:02

Azərbaycanın ilk hərbi naziri - Qarabağın general-qubernatoru

25.06.2017, 22:31

Arif Quliyev: “Bir oğlum vaxtsız vəfat edi, o biri oğlum da əlil oldu”

25.06.2017, 22:18

İraqlı turist Bakıda öldü

25.06.2017, 22:06

Akademik Ziyad Səmədzadənin 77 yaşı tamam olub

25.06.2017, 21:41

Azərbaycan Qran-Prisinin qalibi: "Bakı trasını çox bəyənirəm”.

25.06.2017, 21:26

Konfederasiyalar Kuboku: bütün yarımfinalçılar məlum oldu  

25.06.2017, 21:14

Məqsədli öpüşlər... - BUSƏLƏRİN MƏNASI  

25.06.2017, 21:07

Almaniya hökuməti Ərdoğanın mühafizəçilərinə qadağa qoydu  

25.06.2017, 20:46

Çimərliklərdə xilasedicilərin işi artıb - boğulanlar xilas edilib  

25.06.2017, 20:30

Cocuq Mərcanlıda 1 ədəd tank əleyhinə raket tapıldı

ARXİV
SORĞU
Qeyri-sabit hava şəraiti sizə necə təsir edir?
- İstilərdən canımız qurtarıb(9.43%)
- Dənizə gedə bilmirik(20.7%)
- Səhhətimizə mənfi təsir edir(18.8%)
- Əhvalım xoşallanır(9.43%)
- Məhsul qıtlığı yaranır(15.0%)
- Təsərrüfatıma ziyan dəyir(3.77%)
Yağış, dolu ruzi-bıərəkətdir(22.6%)