25 iyun 2017, Bazar
Ana Səhifə - ÖLKƏ - Dövlət qulluğu imtahanından NARAZILIQ - ikinci tur: məmurların ehtiyat skamyası
Dövlət qulluğu imtahanından NARAZILIQ - ikinci tur: məmurların ehtiyat skamyası
10.12.2013, 10:55


Azərbaycanda dövlət qulluğuna iddialı şəxslər müəyyən baryerlər aşmaqla müvafiq vəzifələrdə çalışa bilərlər. Dövlət qulluğuna qəbul üçün  qanunvericiliyin tələblərindən irəli gələn iki mərhələli baryer sistemi iddialı şəxslərin dövlət orqanlarına işə qəbulunda müəyyən problemlər yaradır. Belə ki, “Dövlət qulluğu haqqında” Qanuna görə, dövlət qulluğuna qəbulun  birinci mərhələsi test üsulu ilə həyata keçirilir. İkinci tur  isə Dövlət Qulluğu Komissiyası, vətəndaşın işə düzəlmək istədiyi müvafiq qurumun mütəxəssisi və müstəqil ekspertin  iştirakı ilə video çəkilişlə  keçirilən sual-cavab mərhələsidir. Bu hüquqi mexanizmlərdən yararlanmayan vətəndaşların sayı isə az deyil. Bir neçə dövlət qulluğuna yiyələnmək istəyib arzusuna çata bilməyən  şəxs iddia edir ki, müsahibə mərhələsində lazımi bal vermək üçün, “yuxarıların tapşırığı olmalıdır”.

Ümumiyyətlə dövlət qulluğunda müsahibə mərhələsinin keçirilməsinin əleyhinə olanlar da var.

Milli Məclisin Hüquq Siyasəti və Dövlət Quruculuğu Komitəsinin üzvü Çingiz Qənizadə hesab edir ki, ikinci turun keçirilməsinə lüzum yoxdur.

Deputat Modern.az-a açıqlamasında bildirib ki, “Dövlət qulluğu haqqında” Qanunda test üsulundan sonrakı mərhələ sovet dönəmindən qalma ənənədir.

“Ümumiyyətlə müsahibənin ictimai nəzarət olmadan həyata  keçirilməsi və sualların həmin qurumlarda hazırlanması neqativ hallara gətirib çıxarır. Ali məktəblərə qəbul kimi test imtahanlarını müvəffəqiyyətlə başa vuranlara ikinci mərhələ lazım deyil. Əgər vətəndaş test imtahanından keçirsə, müvafiq  boş qalan yerlərə seçilib  işlə təmin olunmalıdır”.

Konstitusiya Araşdırmaları Fondunun rəhbəri Hüquqşünas Əlməmməd Nuriyev isə ikinci mərhələnin vacibliyini vurğulamaqla bunun əhəmiyyəti haqqında danışıb. Onun sözlərinə görə dövlət qulluğuna qəbul kifayət qədər şəffaf, təmiz keçirilir.

“İkinci mərhələdə həm də çox sadə suallar verilir. Müsahibə mərhələsi dövlət qulluğunda vəzifəyə iddialı olan şəxsin peşə hazırlığı, dünyagörüşü müəyyənləşdirilir. Vətəndaşın testdən keçməsi əsas şərt deyil. Eyni zamanda onun davranışı, qabiliyyəti, psixoloji hazırlığı  də vacib amildir. Ona görə bunu aydınlaşdırmaq üçün müsahibə mərhələsinə ehtiyac duyulur. Burada hər hansı korrupsiya sövdələşməsindən söhbət belə gedə bilməz. Azərbaycan cəmiyyətində də dövlət qulluğuna qəbulla bağlı hər hansı narazılıq da görmürük”, – deyə hüquqşünas qeyd edib. Ekspert bildirib ki, nəticələrdən narazı qalan şəxslərin iddiasını doğrultmaq üçün imkanlar da mövcuddur. “Əgər şəxs ikinci mərhələdən narazıdırsa, apelyasiya şikayəti verə bilər. Bundan sonra şəxsin özünün iştirakı ilə bütün video materiallara yenidən baxılır. Şəxs yenə də narazı qalarsa, məhkəməyə müraciət edə bilər”.

Ə. Nuriyev ikinci mərhələni adlamış şəxslərin rezerv (ehtiyat) işçi qüvvəsi olmasını məsələsinə də aydınlıq gətirib. Hüquqşünasın sözlərinə görə müvafiq nazirlik və ya qurum vakant yerlərə daha qabiliyyətli şəxsləri seçir.

 “Digərləri isə rezervdə qalır. Daha sonra həmin qurumda yeni boş yerlər olursa, dövlət qulluğuna qəbul olmuş şəxslər orda işlə təmin olunurlar. Boş yerlərə digər şəxslər götürülə bilməz. Prezident Administrasiyasının rəhbəri Ramiz Mehdiyev vakant yerlərə müqavilə əsasında işçi götürməmək haqqında qəti qərar da verib”.

Dövlət Qulluğu Məsələləri Komissiyasının dövlət qulluğuna kadrların seçilməsi şöbəsinin müdir müavini Fuad Mayılovun sözlərinə görə, test imtahanında namizədin bilik səviyyəsi yoxlanılsa da, müsahibə mərhələsinə də ehtiyac duyulur.

“Müsahibədə həm də peşə hazırlığı, dünyagörüşü və vakant vəzifə üçün zəruri olan digər keyfiyyətlər yoxlanılır”. DQMK rəsmisi vurğulayıb ki, dünya praktikasında turların sayından asılı olmayaraq müsahibə mərhələsi vacib hesab olunur. “İstər özəl sektor istərsə də dövlət orqanlarında işə qəbul müsabiqə üsulu ilə keçirilirsə, müsahibə mərhələləri bir çox hallarda mövcuddur. Hazırda müsahibə mərhələsinin ləğv olunması fikirləri ilə razı deyiləm. Müsahibənin keçirilməsi zamanı obyektivliyin təmin olunması üçün kifayət qədər tədbirlər həyata keçirilir. Müsahibə mərhələsi üçün müvafiq proqramlar hazırlanır və əvvəlcədən komissiyanın rəsmi internet səhifəsində çap olunur”.

DQMK səlahiyyətlisi qeyd edib ki, müsahibə mərhələsində imtahanı götürən şəxslər  arasında fikir ayrılığı yarandıqda, onların namizədə verdiyi ballar arasında kəskin fərq olduqda müsahibənin nəticəsi ləğv edilir. Bundan başqa videoçəkilişdən namizədin imtina etmək hüququ da var”.

 Ehtiyat kadrların dövlət qulluğunda təmsil  olunmasından da söz açan F. Mayılov bildirib ki, onların işlə təmin olunması bir qədər nisbi xarakter daşıyır.

“Elə ixtisaslar var ki, dövlət orqanlarında ona böyük tələbat var. Ehtiyat kadrlar siyahısına düşən şəxslər həmin ixtisaslar üzrə vəzifəyə tezliklə təyin oluna bilərlər. Ancaq elə sahələr də var ki, vakansiya sayı olduqca azdır. Qanunvericiliyə görə iki il müddətində ehtiyat kadrlar siyahısında qalmaq olar. Amma onların iki ildən sonra işlə təmin olunmamasının müxtəlif səbəbləri var. Birincisi onların ixtisasına uyğun olan vakant vəzifələrin olmaması, ikincisi, onların ixtisasına uyğun vakant yer olsa da, həmin vəzifədə staj tələbinin müəyyən edilməsi, üçüncüsü namizəd staj və ixtisas baxımdan vəzifəyə uyğun gəlsə də, xüsusi biliklərə dair tələbləri ödəmir. Əgər göstərdiyimiz uyğunsuzluqlar olmazsa, namizədlər müvafiq vəzifələrə təyin edilirlər”.

Aqşin KƏRİMOV


Vətəndaş
10.12.2013, 11:10

Fuad müəllim müsahibə vacibdirsə nəyə gorə 2-ci tura saxlanilir, keçirilsin 1-ci tura kim keçə bilməsə test imtahaninada buraxilmasin. Menim bir tanidiğim var bir neçə dəfə testden keçib 2-ci merhelede kesirler.

Tuncay
10.12.2013, 12:03

Problem heç də ikinci mərhələdə deyil. Çünki ikinci mərhələdən də öz qabiliyyətinlə keçmək mümkündür. Problem odur ki, buradan keçəndən sonra dövlət qurumu prosesi yubadır. Qanunda 10 iş günü yazılsa da, 1 ay, 2 ay, bəzən 6 ay yubadıb, sonda rədd cavabı verirlər. Əgər yer yoxdursa, niyə vakansiya elan olunur? Varsa, niyə namizəd iki mərhələdən keçdikdən sonra bu qədər süründürülü?. Buna diqqət ayrılsa daha yaxşı olardı.

TURAN
10.12.2013, 12:45

Salam 2 dəfə müsabiqədən keçmişəm ,yüksək bal toplamışam amma 2*ci turdan keçə bilmədim . Əgər şəffafdırsa 2-ci turda verilən sulları tes imtahanına salın ən çox bal toplamış namizəd qalıb olsun.

İddiaçı
11.12.2013, 13:07

Test suallarını ged-gedə çətinləşdirirlər. Çox vaxt 1 mərhələdən keçirəm və 2 mərhələdən kəsilirəm. Hər müsahibədə iştirak edənlərin ifadəsindən hiss olunur ki. onlara sadəcə vaxt keçirməyə gəliblər. Beləliklə 4 ildir ugur qazana bilmirəm. İddia etdiyim vakant vəzifə hələ də boşdur. Baxmayarak ki. hər dəfə 5-10 testdən uğurla keçir. Hələ də arzuladığı şəxsi tapa bilmirlər....!!!

Azad
24.12.2013, 10:34

Imtahanin birinci merhelesi seffaf kecir ama ikinci merhele korrupsiya menbeyidir.goruntu yaratmaq ucun videocekilis olur.Ama ele adamalr taniyiram ki birinci merheleden kecib ikinci merhele ucun 10 min manat 8 min manat pul veribler.Yada vezifeli adam tapsirir.tapsirilan namizede ise dovlet orqaninin iscisicaqirib musahibede verilen suallari namizede verir.hemin namizedde verilen 15-20 suali ezber oyrenir.axirda da en yaxsi cavabi o verir.adda olur ki en hazirliqli namized budur.qalan namizedlerde qalir kenarda.yada tapsirilmiyan namizedin balin qesden asaqi yazillar.hansi namized apelyasiya sikayeti verse onu hec vaxt ise goturmuller.bezende ele olur ki bir vakansiyaya cemi bir nefer namized kecir ama onu hemin yere goturmuller cunki oz adamlari deyil.sula yaranir bes bu vakansiya bosdursa isliyen yoxdursa niye musahibeden kecen namizedi goturmursuz.sebeb budur ki vakansiyani dovlet orqaninin rehberi komissiyaya verende artiq oz namizedi olur.hemin yere lap yuz adam sened versede sonda yenede oz adamn goturur.oz adami imtahandan kece bilmese bele tekrar elan verir ta ki oz adami hemin yere kecsin.bezen ikinci merheleden kecen namizedi ehtiyat kadrlarin siyahisina salirlar.onunda orda gozlemekden gozunun koku saralir.tapsirani yoxdu deye iki orda gozluyur sonrada ehtiyat siyahidanda cixarillar. bir sozle seffafliqdan sohbet bele gede bilmez.ikinci merhele tanisliq ve puldu.

İrşad Kərimov
25.06.2014, 07:20

Yazdığınız şərhdən savadınız görsənir. Sizin şərhlər "demaqoqluq" adlanır. Hər sözünüzdə kobud qramatik səhvlər var. İnanmırsınızsa, 3-cü sinif şagirdlərinə yaradıcılıq əsərinizi yoxlatdırın! Dövləti bu cür savadla necə təmsil edəcəksiniz?

Gozel
08.01.2015, 08:34

Yoldash Kerimov.sizinde savadiniz hec numunevi deyil.Qramatik deyil grammatik iki m:)

13.10.2015, 11:53

Gozel, ela dediniz!!! Burda herf sehvi tutmaq lazim deyil e yoldas Kerimov. Men 3 defe kecmisem testden. Demirem musahibede qesden kesibler. Sadece istenilen adami qesden kesmekcun kifayet qeder imkan var musahibede. Ne qeder savadli olsan da. Cubki hec kes robot deyil ki o qeder qanunu ezber bilsin ve istenilen suala sifahi olaraq hemen cavab vere bilsin. Yani ne qeder hazirliqli olsan da ondan bir ust seviyyede sual vermek mumkundur musahibede. Yuxarida Bir vetendasin dediyi kimi musahibe suallarini da salin teste. Musahibede yalniz ferdi sohbet aparilsin. Elmi yaradiciliq movzuda yox. Dovlet qulluguna qebul butun dovlet ve ozel sektorda iwe qebula numune olmalidir e. Milletin yolunu kesen intahan yox!!!

Zenfira
06.12.2015, 17:22

Salam men ozum sexhsen 2 defe dovlet qullugu Komisyasinda istirak etmisem duzdu birjncide hazirlasmamisam yaza bilmemisem amma ikinci turda yeterince hazirlamisam amma suallari o qeder cetinlesdiribler ki ele aglin biliyin olmalidi onu yazmalisan eger komisiya seffaq kecirse niye oxuyanlara serait yaradilmir niye cetinlesdiribler suallari bele hemde 2 ci turda var ondanda kesiller sonra deyillerki rusvet kecmir hem bilik kecmir hem rusvet bes nedir bu? Oxuyanlar nece kecsin bunlar bele cetinlesdirmekle ne demek isteyirler? Il be il cetinlesdirirler axi biz eziyyet cekib oxuyuruq yatmiriq geceni bele haqsizliq olmaz axi.bele getse axirda hec kim dovlet qulluguna vermeyecek eger bu strukturu ede bilmilerse yigosdirsinlar.menim fikrim budu haqsizliq gedir.

fərqanə
29.01.2016, 22:38

Men test imtahanından yüksək bal da toplamışam, savadım, biliyim, dünyagörüşüm yüksək səviyyədədir, bunu meni tanıyanlar da yaxşı bilir. Lakin 2-ci merheleden kifayət qədər bal toplaya bilməmişəm. Menimle testde- imtahan verən bir nefer menden kifayət qədər aşağı bal toplasa da 2-ci merhelede ona 16 bal yazıb keçirdiler. Müsahibe merhelesinde imtahan götürenler lap gözümden düşdüler.Önceden de mene deyirdiler, müsahibede mütleq tapşırıq olmalıdır. Bir daha buna emin oldum. Çünki tanıdığım dövlet qulluğuna keçen şexslerden de bilirem, müsahibe merhelesinde tapşırılıblar, özleri deyibler!

Gunel
02.02.2016, 01:27

Hamiya melumdur ki, 2ci tur qeyri- seffaf heyata kecirilmesi ucun yeterince serait var! Hec kes bunu danmasin! Musahibeye gelen ekspert ve mutexessislerin elindedi her sey! Tebii ki, bizden daha tecrubeli insanlarin qarsisinda her kes heyecan kecire biler, bildiyi en sade bir seyi bele unuda biler. Dovlet qullugunun qebul imtahani tam seffaf ve adekvat olmalidir. Imtahan cox cetin olsun amma SEFFAF olsun!

Şərh yaz

Bu kateqoriyadan olan xəbərlər
SON XƏBƏR
25.06.2017, 21:26

Konfederasiyalar Kuboku: daha iki yarımfinalçı məlum oldu  

25.06.2017, 21:14

Məqsədli öpüşlər... - BUSƏLƏRİN MƏNASI  

25.06.2017, 21:07

Almaniya hökuməti Ərdoğanın mühafizəçilərinə qadağa qoydu  

25.06.2017, 20:46

Çimərliklərdə xilasedicilərin işi artıb - boğulanlar xilas edilib  

25.06.2017, 20:38

Pakistanda partlayış - ölənlərin sayı 148-ə çatdı - YENİLƏNİB

25.06.2017, 20:30

Cocuq Mərcanlıda 1 ədəd tank əleyhinə raket tapıldı

25.06.2017, 20:05

Prezident və xanımı "Formula 1" Azərbaycan Qran Prisinin qaliblərini mükafatlandırdılar 

25.06.2017, 19:20

İlham Əliyev “VTB Bank”ın prezidentini qəbul edib

25.06.2017, 18:51

"Əli və Nino" İTALİYADA

25.06.2017, 17:50

Ərdoğandan ABŞ-a FETÖ və PKK ilə bağlı XƏBƏRDARLIQ

25.06.2017, 17:41

Hindistanda kanat yolunda kabinə aşıb: 7 ölü

25.06.2017, 17:12

Prezident “Formula One Group”un icraçı direktorunu qəbul edib

25.06.2017, 17:05

Formula 1 Azərbaycan Qran-Prisinə start verilib

25.06.2017, 16:44

"Soçi "Formula 1"in keçirilməsində Bakı təcrübəsini tətbiq edə bilər"

25.06.2017, 16:39

“...məsuliyyət daşımağa hazıram”

25.06.2017, 15:53

İki qanuna dəyişiklik edilir: 5 manatdan 100 manatadək dəyişən intervalda rüsum tətbiq ediləcək

25.06.2017, 15:50

İlham Əliyev Bakıda yeni salınan yolun açılışında iştirak edib

25.06.2017, 15:20

Formula-2 üzrə ikinci yarışda qalib müəyyənləşib

25.06.2017, 15:16

Kəlbəcərdən olan məcburi köçkün zəhərlənərək ölüb

25.06.2017, 14:48

Tanınmış bəstəkar: “Yorulmuşam müxbir səhvi, jurnalist yazısı redaktə etməkdən”

25.06.2017, 14:34

Formula-2 üzrə ikinci yarış başlayıb

25.06.2017, 14:29

Qadın özünü qatarın altına ataraq intihar edib - TOVUZDA

25.06.2017, 14:17

Bu axşam fitrə çıxarmağı unutmayın

25.06.2017, 14:09

Xəstəxanadan çıxan deputat iclasa qatılacaq

25.06.2017, 13:58

"F1 Village" zonasında "Formula 1" pilotlarının avtoqraf-sessiyası - FOTOLAR

25.06.2017, 13:41

Xarici media Qərb Universitetinin imtahan modelləri barədə yazıb

25.06.2017, 13:09

Pakistan vətəndaşını Lökbatanda döydülər

25.06.2017, 12:31

20 min azərbaycanlını dinindən döndərmək İSTƏYİBLƏR

25.06.2017, 12:30

Binəqədidə arvad ərini döyüb xəstəxanlıq etdi

25.06.2017, 12:15

Bu gün "Formula-1" üzrə Azərbaycan Qran-prisi keçiriləcək  

25.06.2017, 11:59

"Lent.az" 10-a keçdi

25.06.2017, 11:51

Sabahın hava PROQNOZU

25.06.2017, 11:48

İlham Əliyev  baş redaktoru qəbul edib

25.06.2017, 10:53

Türkiyədə sərnişin avtobusu aşdı: ölən və yaralananlar var

25.06.2017, 10:34

Müəllim və həkim heyəti məcburi tarlalara göndərilir - Bu özbaşınalıqdır, yoxsa...

ARXİV
SORĞU
Qeyri-sabit hava şəraiti sizə necə təsir edir?
- İstilərdən canımız qurtarıb(8.16%)
- Dənizə gedə bilmirik(22.4%)
- Səhhətimizə mənfi təsir edir(18.3%)
- Əhvalım xoşallanır(10.2%)
- Məhsul qıtlığı yaranır(12.2%)
- Təsərrüfatıma ziyan dəyir(4.08%)
Yağış, dolu ruzi-bıərəkətdir(24.4%)