17 dekabr 2017, Bazar
Ana Səhifə - Yazılar - Lusine Nersisyan, can, can...
Lusine Nersisyan, can, can...
15.12.2016, 16:52

Mahir Qabiloğlu

50 yaşına çatdım. Amma həyatda yaddaqalan bir iz qoymadım. Düzdür yazılarım çoxdur. Amma oğul ona deyərəm ki, yazdıqlarını həyata keçirsin. Bir sözlə, “qaz vurub qazan doldursun e... qazan”.

Ay camaat, xəbəriniz var da... Ermənilər geri qayıtmaq istəyir.  Özü də ki, qadın aktivistləri daha fəaldırlar. Hamısı da gözəl-göyçək. Kukla kimi. Ermənilər bu yaxınlaşmaya “Azərbaycanın Ermənistana qarşı apardığı Hibrid müharibəsi” adı qoyublar. Syuzan Caginyan isə artıq Bakıdadır – Bakının göbəyində.

Məhz bu barədə Haqqın.az saytında oxuyandan sonra mənim də beynimdə yeni ideyalar oyandı. İstədim ki, QHT açıb, pul almaq üçün bizim yerli QHT Şurasına müraciət edim. Amma layihəmin beynəlxalq əhəmiyyət kəsb etdiyini nəzərə alaraq, kiçik şöhrət və qəpik-quruşdan imtinada bulundum. Mən Avropa İttifaqına və ya Avropa Şurasına müraciət edəcəyəm. Orda da bilirsiniz də nə qədər ermənisevən qüvvələr var. Tökəcəklər pulu başımdan şabaş kimi. Yığıb-yığışdıra da bilməyəcəyəm.

Bu layihənin adı “Ermənilərlə azərbaycanlılar arasında olan fərqin aradan qaldırılması uğrunda hərəkat” adlanır. Bu barədə ironiyayla da olsa “Ərmən – Şuşanikin sevgisi” hekayəmdə bəhs etmişəm. Erməni Şuşanikin müsəlman Süsənə necə çevrilməsini təsvir etmişəm. Amma, çifayda. Nə qazanmışam ki? Heç nə. Amma indi məni bütün dünya tanıyacaq. Bəlkə sonda... Yox “son”u sonda söyləyəcəyəm. Amma söz verin ki, arvadıma xəbərləməyəcəksiniz.

Rus və ingilis, beynəlxalq hüquq qaydalarını yaxşı bilmədiyimə görə, çalışacağam ki, Eynulla Fətullayevi özümə həmavtor götürüm. Çünki onun əlaqələri çoxdur. Xülasə, vaxtınızı çox almayıb. Başlayım QHT layihəmin məram və məqsədini açıqlamağa. Özü də loru dildə deyəcəyəm ki, aydın olsun. Uğurlu alınacağı təqdirdə Azərbaycanın bütün bölgələrində həyata keçirilməsi nəzərdə tutulan Pilot Layihədə ilk bənd onu ehtiva edir ki, Bakıda Avropa Şurasının hesabına unikal bir məscid binası tikilməlidir. Adı da qısa “AZ-ER Məscid” olmalıdır. Bütöv desək “Azərbaycanlı-Erməni Məscidi”.  Məsciddə namaz qılınmayacaq. Nəzir toplanmayacaq. Mikrafonla azan verilməyəcək. Ölü yuyulmayacaq. Tabut, mafə kirayəyə verilməyəcək. Ehsan zalları olmayacaq.

Tolerantlıq üzrə ixtisaslaşmış, multikultiralizm dərsləri keçən xüsusi qadın və kişi mollalar fəaliyyət göstərəcək.  Məscidin içi iki yerə – qadın və kişi sahələrinə bölünəcək. Hər iki bölümdə islam qayda və qanunlarını, Azərbaycan dilini öyrədəcək altı aylıq çevik kurslar, erməniyuma hamamı və xüsusi qəbirlər fəaliyyət göstərəcək. Kişi və qadın bölməsi yalnız iki cəhətdən bir-birindən fərqlənəcək.  Birincisi, kişi bölməsində həm də sünnət otağı fəaliyyət göstərəcək. Türkiyədə uzman təhsili almış uroloq-cərrahlar burda müsəlman olmaq istəyənləri lazerlə, ağrısız, izqoymadan sünnət edəcəklər. Adət-ənənə xətrinə Kirvə də olacaq. Yox. Kirvələr erməni milliyyətindən olmayacaq. Erməni kirvə azərbaycanlı uşaqları kişi etməkçündür. Burda müsəlman olmaq istəyən erməni kişilər sünnət olunduğu üçün onları özüm tutacağam. Vay onda ki, müsəlman olmaq istəyənlər ağrı hiss edə. Onda atam-anam qalmayacaq. Söyüşə qərq edəcəklər məni. Cınqırım da çıxmayacaq. Axı layihəyə əsasən Qrantda kirvələr üçün  yüksək məvacib nəzərdə tutulub. 


Qadın və kişi bölməsində bir fərq də ondan ibarət olacaq ki, İslam adət-ənənələrinə uyğun olaraq qadın bölümündəki qəbir kişi bölümündəki qəbirdən dərin olacaq.

 

Gəlin keçək prosesə. Bu məscidə yalnız Azərbaycanda yaşamaq istəyən ermənilər müraciət edə bilərlər. Prosedur isə belədir. Gəlirlər Azərbaycana. Gələn kimi də neçə-neçə jurnalistin işsiz gəzdiyi Azərbaycanda o saatcana iş tapırlar. Haqqın.az saytında işə düzəlirlər. Mənzil kirayələyirlər. Miqrasiya Xidmətində qeydiyyatdan keçdikdən sonra “AZ-ER MƏSCİD”inə müraciət edirlər. Altı aylıq müsəlman kursunu keçəndən sonra, sünnət prosesi və mürdəşirlərin yuma prosesindən keçirlər. Kəfənləndikdən sonra, onları tabuta uzadırlar. Aydın olsun deyə misalla danışım. Erməni aktivist, indi isə milli jurnalist həmkarımız  Syuzan Caginyanın kəfənlənib uzadıldığı  tabutu  dörd nəfər çiyninə götürüb gətirir qazılan qəbirin yanına.  Molla yaxınlaşır  Syuzana ki, “Syuzan, mənim balam, müsəlman olandan sonra adının nə olmağını istəyirsən?” O da utana-utana cavab verir ki, bəs “Süsən”. “Əvvəl Şuşanik idim. Nənəmin adını qoymuşdular mənə. Böyüyəndə utandım bu Fatma-Tükəzban adımdan. Dəyişib Avropafason qoydum – Syuzan. Eşitmişəm ki, bu ad azərbaycanlıların Süsəninə oxşayır”.  Bu zaman molla soruşur ki, bəs familiyan nə olsun? Syuzan cavab verir ki, “Məmmədova”. Sonra da əlavə edir ki, “bu familiyanı eşidən bir köppəyoğlu da başa düşməz ki,  mən nəvaxtsa erməni olmuşam”.

Bu son sorğu-sualdan sonra kişilər kəndirləri tabutun qulplarına bağlayırlar. Və mollanın rəhbərliyi ilə üç dəfə qəbirə sallayıb çıxarırlar. Hər dəfə də molla bu sözləri təkrar edir: “Syuzan Caginyan getdi, Süsən Məmmədova gəldi, Syuzan Caginyan getdi, Süsən Məmmədova gəldi, Syuzan Caginyan getdi, Süsən Məmmədova gəldi. Bu yolla neçə erməniyə həyatımıza vəsiqə verəcəyəm. Mənim sayəmdə Armenlər Ərmən, Arsenlər Ərsən, Manuçarlar Məniçöhür, Köçəryanlar Köçəriyev olacaqlar. Bu mərasimdən sonra ermənilər, üzür istəyirəm yeni müsəlmanlar nəinki Haqqın.az, lap Azərtac, “Xalq qəzeti”, Azərbaycan, Mətbuat Şurası, MTRŞ  kimi mərkəzi dövlət orqanlarında da işləyə bilərlər. Bir az çevik tərpənsələr jurnalistlər üçün tikilən yeni binada mənzil də ala bilərlər. Axı, necə olsa qaçqındırlar, yazıqdırlar, binəvadırlar... Mən bu layihədə nəinki insanları, aşağılanan, mundar adlandırılan, əti İslamla haram bulunan heyvanları da nəzərdə tutmuşam. Bu baxımdan heyvanların hüquqlarını müdafiə edən Beynəlxalq qurumların pul vəsaitlərini də layihəyə cəlb edəcəyimə əminəm.  Axı, ermənilər müsəlman olandan sonra donuz əti yeyə bilməyəcəklər?! Çünki İslamda bu heyvan haram bulunub. Ona görə də “AZ-ER Məscid”in ətrafında heyvangahlar olacaq. Donuzu gətirəcəklər. Xüsusi adamlar donuzu qoyacaq tabut kimi yeşiyə. Üç dəfə sallayacaqlar  qəbirfason bir çalaya və çıxaracaqlar. Hər dəfə də deyəcəklər ki, “Donuz getdi, qoyun gəldi, Donuz getdi, qoyun gəldi, Donuz getdi, qoyun gəldi”.

İndi özünüz deyin. Dünyada məndən başqa bu cür unikal layihəyə imza atan ikinci bir şəxs görmüsünüzmü? Əsla. Heç BMT, Avropa Şurası, Avropa İttifaqı da ömründə bu cür unikal layihə həyata keçirməyiblər. Heç yuxularında da görməyiblər.

 

Əgər erməni milyonerlərin inqilabdan əvvəl tikdiyi teatr, obyekt, yaşayış binalarına mülkiyyət hüququnu da bərpa etsək, bir hüquqi dövlət kimi dünyada tayımız-bərabərimiz olmaz. Bu prosesi başladığına görə isə Eynulla Fətullayevin şəkli ikonalarda dünya erməni kilsələrinin divarını bəzəyər. Baxmayaraq ki, indi ona “protiv” gedirlər. Guya ki də... Adını da “Hibrid müharibəsi” qoyublar.

Anarın “Dədə Qorqud” filmində təsvir etdiyi bir səhnəni özümüzə qaytarırlar. Guya ki, biz başa düşmürük də...ki, Syuzanlar, Avetyanlar, Virabyanlar bunların öz agentləridir. Amma Lusi Nersesyandan olmaz. Köpəyin qızı gözəlliyi ilə can alır da... Həyatdır e... həyat.  Mövzudan kənara çıxmayım. Onunla bağlı mənim başqa planlarım var.

 

Qayıdaq “Dədə Qorqud” filminə. Deməli, orda belə bir səhnə var. Qazan xanın oğlunu və hərəmini qıpçaq Məlik əsir götürür. Bilir ki, onun arvadı Burla xatun da əsir götürülənlər arasındadır. Amma onu üzə çıxara bilmir. Üzdən tanımır axı?! Çünki o vaxt qəzet-jurnal, sayt, televiziya yox idi.

Belə qərara gəlir ki, onun oğlu Turalı  qoyun kimi kəsib ətindən qara qovurma bişirib bu qadınların qabağına qoydursun. Kim yeməzsə, deməli o, Burla Xatundur. Ssenariyə əsasən oğlunu da gətirirlər qadınların, anasının saxlandığı zindana. Tural da onların hamısıın yanında nə desə yaxşıdır? “Ana, başqası mənim ətimdən bir tikə yesə, sən iki tikə ye...Qıpçaq Məlik bilməsin ki, sən mənim anamsan...” Yəqin yadınıza düşdü həmin səhnə. Başınızı boş-boş ağrıtmaq istəmirəm. Çünki, ermənilərin aldandığı bu səhnədə  reallıq yoxdur. Özünüz deyin. O biri qadınlar eşidəndən sonra ki, qabaqlarına qoyulan qovurma adam ətindəndir... heç o tavaya çəngəl uzadardılarmı? 

İndi ermənilər də  azərbaycanlıya çevrilmək istəyən bu ermənilərə deyirlər ki, “söyün. Nə qədər istəyirsinizsə bizi söyün. Azərbaycanlılar bir söyəndə, siz iki söyün, üç söyün, yüz söyün. Amma onların içərisinə girin. Bir balaca qurd belə, böyük ağacı içindən yeyib, məhv etməyə qadirdir. Və heç kim də bu qurdu görməz”.

Ermənistan bu erməniləri gibrid adlandırır. Yəni ki, calaq. Calaq etmək istəyirlər onları bizə. Bağban isə biz özümüzük.

Sonda qayıdım özümə. Bəs mən burdan necə xeyir götürmək istəyirəm? Pul məsələsini dedim. Amma bu müvəqqəti ola bilər. Çünki ermənilərə üz-gözümüz öyrəşəndən sonra məscid əhəmiyyətini itirəcək. Lap qızlarımız da onlara ərə gedəcək. Necə ki, almana, ingilisə, rusa, ərəbə, farsa, şvedə, norveçə, ispana ərə gedirlər. 

Qayıdaq mənə. Lusine Nersisyan da BİZ olmaq istəyir. Gözəl-göyçək qızdır. Mahir, sonra da deyirsən ki, həyat sənin üzünə gülmür. Bu cür fürsət heç vaxt ələ düşməyəcək. Tez elə, Beynəlxalq Mətbuat Mərkəzinin zalını icarəyə götür. Hüquq müdafiəçilərini, QHT-ləri yığ başına. Sənin Lusin təhlükədədir. Onu xüsusi xidmət orqanları həbs ediblər. İncidirlər. İşgəncə verirlər. Can, can. Onun haqlarını müdafiə edən komitə yarat. Özün başçılıq elə. Beynəlxalq təşkilatlarla uzun danışıqlardan sonra onu azad et. Vertolyotla Xankəndindən Bakıya gətir. Lazım olsa fiktivnı brak elə, onunla evlən. Familiyamı da dəyişim? Niyə ki, yox? İmamverdiyev familiyasıyla irəli gedə bilmirəm. Amma Mahir Nersesyan adıyla bütün qapılar üzümə açılacaq. Sonra? Sonra isə... 200 faiz əminəm ki, gələn il Beynəlxalq Nobel Sülh Mükafatını bizə verəcəklər. Azərbaycan və erməni xalqlarını öz timsalımızda birləşdirdiyimizə görə. Bəlkə bizə “Mahir və Lyusi” dastanı da qoşdular . Bizə 21-ci əsrin “Bahadır və Sona”sı, “Əsli və Kərəm”i, “Əhməd və Şuşanik”i də dedilər.

Mahir, bəs Azərbaycan xalqı? Bəs yurd-yuvalarından qovulan, 25 ildir yurdsuz qalan qaçqınlar? Oğullarını, övladlarını şəhid verən analar-atalar? Erməni soyqırımına məruz qalan Xocalı ailələri? Hələ də erməni əsarətində olan torpaqlar, məhv edilən abidələr, məzarlıqlar, Şəhid qəbirləri? Bəs onlar necə olsun? Onlara bu həngaməni – “Gibrid müharibəsi”ni necə başa salacaqsan? Nədi, nədi sən layihə həyata keçirib, pul, qrant alacaqsan, sütül erməni qızı alıb, kef edib, üstəlik “Nobel mükafatı” da qazanacaqsan, bu xalq sənə əl çalmalıdır? Qorxmursan ki, ölürərlər səni?

Düzdür. Düz deyirsiz. Amma, bir söz soruşum. Bakıda bu qədər erməni yaşayır. Hansını öldürüblər? Syuzan Caginyan Haqqın.az saytının redaksiyasındadır. Ora hücum edənmi olub? Barışmışıq artıq taleyimizlə. Gəlin boynumuza alaq. Və sakitcə ürəyimizdə bir qəbir qazaq. Syuzan Caqinyanı da bütün ermənilərin simvolu kimi tabuta qoyub, ürəyimizə əsrlər boyu atılan erməni mərmiləri nəticəsində yaranan çalalardan birinə üç dəfə salaq, çıxaraq. Və hər dəfə də deyək:

“Syuzan Caginyan getdi, Süsən Məmmədova gəldi, Syuzan Caginyan getdi, Süsən Məmmədova gəldi, Syuzan Caginyan getdi, Süsən Məmmədova gəldi”.


SON XƏBƏR
Qazaxda avtoqəza: iki əcnəbi yaralandı
17.12.2017, 17:28

Qazaxda avtoqəza: iki əcnəbi yaralandı

Ərdoğan ABŞ-ın nüvə dövləti statusuna qarşı çıxıb
17.12.2017, 17:12

Ərdoğan ABŞ-ın nüvə dövləti statusuna qarşı çıxıb

Orxan Zeynalovun atası : ““Səbrli ol” deyirlər, amma...”
17.12.2017, 16:25

Orxan Zeynalovun atası : ““Səbrli ol” deyirlər, amma...”

Kiyevdə Saakaşvili tərəfdarlarının aksiyası başlayıb
17.12.2017, 16:02

Kiyevdə Saakaşvili tərəfdarlarının aksiyası başlayıb

Yeni il ərəfəsində əfv gözləntilərinə NÖQTƏ QOYULDU
17.12.2017, 15:24

Yeni il ərəfəsində əfv gözləntilərinə NÖQTƏ QOYULDU

Avropa üçün daha bir “İsgəndər” TƏHLÜKƏSİ...
17.12.2017, 15:11

Avropa üçün daha bir “İsgəndər” TƏHLÜKƏSİ...

“Bizim nəsildə belə şey olmayıb” - arvadını bıçaqlayan qısqanc ərin cəzası azaldıldı   
17.12.2017, 15:07

“Bizim nəsildə belə şey olmayıb” - arvadını bıçaqlayan qısqanc ərin cəzası azaldıldı  

Azərbaycan jurnalistlərinin müəllimi  Şirməmməd Hüseynov 93 yaşında
17.12.2017, 15:02

Azərbaycan jurnalistlərinin müəllimi  Şirməmməd Hüseynov 93 yaşında

“Sarı İt ilində rüşvətxor məmurlarımız üzlərini sərt silləyə hazır tutsunlar” - PROQNOZ - MÜSAHİBƏ
17.12.2017, 14:42

“Sarı İt ilində rüşvətxor məmurlarımız üzlərini sərt silləyə hazır tutsunlar” - PROQNOZ - MÜSAHİBƏ

Yol polisi peşəkar velosipedçiləri saxlayıb cərimə meydançasına apardı - VİDEO
17.12.2017, 14:06

Yol polisi peşəkar velosipedçiləri saxlayıb cərimə meydançasına apardı - VİDEO

Deputatların “BAZAR GÜNÜ”: “Bəzən bazar günləri belə yorğunluğu çıxartmağa kömək etmir”
17.12.2017, 13:48

Deputatların “BAZAR GÜNÜ”: “Bəzən bazar günləri belə yorğunluğu çıxartmağa kömək etmir”

Avropalı deputatdan çağırış: “Azərbaycan qaz borusuna qarşı çıxanlar dəmir yumruqla əzilməlidir”
17.12.2017, 13:16

Avropalı deputatdan çağırış: Azərbaycan qaz borusuna qarşı çıxanlar dəmir yumruqla əzilməlidir

Sabaha olan hava PROQNOZU: YAĞIŞ YAĞACAQ
17.12.2017, 13:06

Sabaha olan hava PROQNOZU: YAĞIŞ YAĞACAQ

Bakıda böyük tikinti şirkətinin rəhbəri həbs olundu   
17.12.2017, 12:56

Bakıda böyük tikinti şirkətinin rəhbəri həbs olundu  

Dünyanın ən dik  funikulyoru istifadəyə veriləcək - İSVEÇRƏDƏ - FOTOLAR
17.12.2017, 12:38

Dünyanın ən dik  funikulyoru istifadəyə veriləcək - İSVEÇRƏDƏ - FOTOLAR

Surət Hüseynov enerji və maliyyə biznesi ilə məşğuldur 
17.12.2017, 11:53

Surət Hüseynov enerji və maliyyə biznesi ilə məşğuldur 

Yavər Camalov Ermənistanı qorxuya salacaq açıqlama verdi 
17.12.2017, 11:39

Yavər Camalov Ermənistanı qorxuya salacaq açıqlama verdi 

Əkrəm Əylisli: “Xəstə olduğumu desəm, Rasim Balayevin gününə düşəcəm”
17.12.2017, 11:35

Əkrəm Əylisli: “Xəstə olduğumu desəm, Rasim Balayevin gününə düşəcəm”

22 yaşlı gənc intihar etdi - GÖYGÖLDƏ
17.12.2017, 11:32

22 yaşlı gənc intihar etdi - GÖYGÖLDƏ

O biri “dünyadan” oğurluq edənlər
17.12.2017, 10:32

O biri “dünyadan” oğurluq edənlər

Cakartada Qüdsə görə etiraz aksiyaları başlayıb
17.12.2017, 10:25

Cakartada Qüdsə görə etiraz aksiyaları başlayıb

Övladı autizm olan tanınmış jurnalist: “Dəstək versələr, 2 ilə ciddi nəticə əldə etmək olar”
17.12.2017, 09:57

Övladı autizm olan tanınmış jurnalist: “Dəstək versələr, 2 ilə ciddi nəticə əldə etmək olar”

Azərbaycanda iki silah zavodu açılacaq
17.12.2017, 09:49

Azərbaycanda iki silah zavodu açılacaq

Müdafiə Nazirliyi cəbhədəki son durumla bağlı məlumat yaydı
17.12.2017, 09:41

Müdafiə Nazirliyi cəbhədəki son durumla bağlı məlumat yaydı

Rəsulzadəni qınadığı üçün sonralar ondan üzr istəyən nazir oğlu- Tarixi sənəd
17.12.2017, 01:14

Rəsulzadəni qınadığı üçün sonralar ondan üzr istəyən nazir oğlu- Tarixi sənəd

“Qoçu” ifadəsinin maraqlı yaranma tarixçəsi- Köhnə Bakı xatirələri
17.12.2017, 00:35

“Qoçu” ifadəsinin maraqlı yaranma tarixçəsi- Köhnə Bakı xatirələri

17.12.2017, 00:16

"Real Madrid" 3-cü dəfə qalib oldu

Fransada məscid bağlandı
16.12.2017, 23:57

Fransada məscid bağlandı

Saakaşvilidən Poroşenkoya barışıq təklifi
16.12.2017, 23:41

Saakaşvilidən Poroşenkoya barışıq təklifi

Bakıda bahalı qırqovul əti
16.12.2017, 23:23

Bakıda bahalı qırqovul əti

Azərbaycanda qeyri-adi toy - Video
16.12.2017, 23:11

Azərbaycanda qeyri-adi toy - Video

“Qarabağ”ın futbolçusu evləndi - Foto
16.12.2017, 23:05

“Qarabağ”ın futbolçusu evləndi - Foto

Şəki sakini gənc qonşusunun qanını tökdü
16.12.2017, 22:58

Şəki sakini gənc qonşusunun qanını tökdü

Qurban Qurbanov hər il üçün 1 milyon manat alacaq
16.12.2017, 22:46

Qurban Qurbanov hər il üçün 1 milyon manat alacaq

Bitkoinin qiyməti 19 min dolları ötüb
16.12.2017, 22:33

Bitkoinin qiyməti 19 min dolları ötüb

ARXİV
SORĞU
Xaricdəki hansı iş adamı Azərbaycana daha çox bağlıdır?
Vahid Ələkbərov(0.12%)
Araz Ağalarov (12.9%)
Mübariz Mənsimov (16.9%)
Fərhad Əhmədov(13.3%)
Füzuli Məmmədov(53.6%)
Telman İsmayılov (0.12%)
İsgəndər Xəlilov(0.08%)
Vaqif Məmişov(0.08%)
Heç biri(1.79%)
Digərləri(0.87%)