Bakıda avtobus dayanacaqları qarşısında taksilərin və digər avtomobillərin dayanması qadağan edilsə də, buna ciddi əhəmiyyət verilmir. Nəticədə avtobusların dayanacaqda dayanmasına, sərnişinlərin ictımai nəqliyyata minib-düşməsinə maneçilik yaranır.
“Bakı Sərnişin Nəqliyyatı” MMC-nin mətbuat katibi Samir Həsənov Modern.az saytına bildirib ki, taksi və digər avtomobillərin avtobus dayanacaqlarında dayanması qadağandır. O, dayanacaqları zəbt edən sürücülərə qarşı inzibati qayda da cərimələrin tətbiq olunduğunu söyləyib. Mətbuat katibi onuda qeyd edib ki, 134 taksi dayanacağının yaradılması nəzərdə tutulub. Ancaq 32 dayanacaq tam hazırdır.
