26 mart 2017, Bazar
Ana Səhifə - Yazılar - Özününkünü və özgəsini söyənlər...
Özününkünü və özgəsini söyənlər...
26.08.2016, 15:00

Əmrah Fəqanoğlu

 

Yayın nəfəskəsən istiləri hələki davam edir. Son illər avqustun axırlarında yay öz yağış-küləyi ilə payızı xatırlatsa da, builki qırmızı Meymun ilində deyəsən əsl “yaylığını” sübut etmək üçün dəridən-qabıqdan çıxır. “Qayınana” filmindəki “Əlibala, ver gəlsin!” komandasına uyğun olaraq günəşdən istinin nəyi var yollamasını tələb edir. Yayın ilk günlərində havaların sərin keçməsindən şikayətlənənlər indi istinin əlində əsir-yesir qalıblar. Kimi dindirirsən ilk kəlməsi havadandı: “yaman isti var ha, lap bezdirdi bizi...”

 

Yayda isti olması adi, normal haldı, şikayət edib-etməməyimizdən asılı olmayaraq. Amma istinin başımıza vurub bizdə bir-birimizə qarşı aqressivlik yaratması həddindən artıq anormallıqdı və bir ucu da cinayətə aparan haldı. Keçən həftə səhər işə gələndə də yaman isti vardı.  Baxıram ki, piyada keçidinin bir addımlığında iki kişi əlbəyaxa olub, bir xanım da onları ayırmağa çalışır. Sonda da biri o birisinə güclü yumruq ilişdirdi, zərərçəkənin ağzından qan açıldı. Yaxşı ki, hərbi formada olan üçüncü kişi haraya yetişib onları güc-bəla ilə ayırdı. Ağzı qanayanın onu vuranın ünvanına ağır söyüş söyəndən sonra  öz avtomobilinin sükanı arxasında oturub uzaqlaşmasından anladım ki, dava piyada keçidi ilə bağlı olub. Ana ilə oğul zolaqlı, amma svetaforla nizamlanmayan piyada keçidindən adlayarkən sürücü maşınla az qala onları vuracaqmış. Amma üzrxahlıq etmək əvəzinə, hər ikisini söyüşə qonaq edib, adekvat cavab “atəşi” ilə qarşılaşanda isə maşından düşüb və ona cavab qaytarana əməllicə dərs vermək qərarına gəlib. Amma iş elə gətirib ki, sonda onun özünə bəlkə də həyatı boyu unutmayacağı bir dərs verilib.  

 

İsti adamın başına nə qədər vursa da, gərək çalışıb aqressivləşməsin, onun-bunun ünvanına xoşagəlməz ifadələr işlətməsin, söyüş söyməsin. Bu səhər də işə gələndə qarşılaşdığım hadisə qanımı qaraltdı. Nobel prospektində- AFFA-nın inzibati binasının ətrafında yolu keçmək istəyən gənc xanımdan xeyli aralıda olmasına baxmayaraq, avtomobilinin sürətini azaltmaq əvəzinə daha da artırıb düz onun üzərinə sürən cavan oğlan əlini siqnaldan çəkmədən başını pəncərədən çıxarıb “ay qancıq, hara keçirsən, bir yola bax də...” - deyə bağırdı. Xanım isə donub qalmışdı və tərbiyəsiz sürücüyə heç nə demədi. Düşünürəm ki, həmin anda o xanımın yaxınlarından biri orda olsaydı, sürücünü təqib edib saxladar və ömür boyu unutmayacağı bir dərs verərdi... Dayanacaqda avtobus gözləyən orta yaşlı xanımsa pərt olan gənc qıza təskinlik verdi: “fikir vermə bala, yəqin o öz arvadına, qızına, bacısına da sənə bağırdığı sözü deyir, tərbiyəsi budur...”

 

Ümumiyyətlə, insanların tanyıb-tanımadıqları insanlara qarşı təhqiramiz ifadələr işlətməsi sonda cinayətə aparıb çıxarır. Dostlardan biri danışır ki, bir dəfə bir taksi sürücüsü son model avtomobil sürən bir xanımı yanındakılara göstərərək, nümayişkaranə şəkildə  “bu qız pozğunluq etməsə (təbii ki, mən sivil formada deyirəm), heç vaxt belə maşında gəzə bilməz”-deyə, əl-qolunu ölçürmüş. Bu olay qıza çox pis təsir edib, həmin taksinin nömrəsini götürüb öz qardaşına verib. Qardaşı da müştəri adı ilə taksini Bakının uzaq bir ərazisinə sürdürüb və orada bacısı haqda dediyi əyər-əskik ifadələri ən biabırçı formada qeybətcil sürücüyə yedirib. Bunu lentə alıb, videoyazının bir surətini də ona hədiyyə edib ki, tanıyıb bələd olmadığı insanlar barədə nalayiq sözlər danışanda, qeybət edəndə dilinin bəlasından öz başına gələnləri də yadından çıxarmasın. Deyilənə görə, o sürücü bununla da vərdişini tərgidib. Necə deyərlər, ilan vuran ala çatıdan qorxar...

 

Sözümün canı budur ki, yayın istisi, lap elə qışın soyuğu başımıza vursa da, sevgi göstərməyimiz bir yana qalsın, ətrafımızdakılara qarşı heç zaman aqressiv olmayaq. Ən azından ətrafdakılar da birbaşa və dolayısı yolla bizim özümüzünkülərdir-öz doğmalarımızdır.  Kişiliyindən-qadınlığından asılı olmayaraq, əsl adam nə özgəni, nə də öz doğmasını təhqir edib söyüş söyər. Hər bir insanın leksikonu, danışıq tərzi onun iç dünyasının, mənəviyyatının güzgüsüdür. Bir də unutmayaq ki, hər şey qarşılıqlıdır-sevgi də, hörmət də, aqressiya da... 


Müəllifin digər yazıları
SON XƏBƏR
26.03.2017, 00:40

Taliban polis bölməsinə hücum edib: 16 ölü

26.03.2017, 00:19

ABŞ Rusiyaya qarşı yeni sanksiyalar tətbiq edir

25.03.2017, 23:56

Türkiyə daha bir referendum keçirə bilər - SƏBƏB

25.03.2017, 23:54

"Rusiya bütün Avropa üçün təhdiddir" - Prezident

25.03.2017, 23:40

İsveçrəli diplomat Türkiyə XİN-ə çağırılıb

25.03.2017, 23:22

ABŞ 200 dinc sakinin ölümü ilə bağlı açıqlama verdi

25.03.2017, 23:16

“İsgəndər raketləri bütün Avropa paytaxtlarına təhlükədir”

25.03.2017, 22:58

İtaliya polisi 122 etirazçını saxlayıb

25.03.2017, 22:52

40 polisin başını kəsdilər - DƏHŞƏT

25.03.2017, 22:41

Şəmkir sakini döyülüb  

25.03.2017, 22:26

İŞİD Türkiyə sərhəddində terror törədib

25.03.2017, 22:12

 “İskəndər”dən istifadə edəcəyik” - Sarkisyan

25.03.2017, 21:58

"Oyuna bütün biletlərin satılması əlavə stimuldur" - Rəşad Sadıqov

25.03.2017, 21:42

Rusiya neft hasilatını azaldıb

25.03.2017, 21:25

Qırğızıstanda 68 etirazçı saxlanılıb

25.03.2017, 21:11

Londonda terror törədən radikal dini qrup tərkibində döyüşüb

25.03.2017, 20:55

"Öz komandama, əzmkar futbol sərgiləyəcəyimizə inanıram" - Robert Prosineçki

25.03.2017, 20:43

İlham Əliyev banqladeşli həmkarını təbrik etdi

25.03.2017, 20:14

"İndi daha pozitiv Azərbaycan yığması görürəm" - Yoahim Löv

25.03.2017, 20:01

“Azərbaycan-Gürcüstan münasibətləri bütün sahələrdə inkişaf edir”

25.03.2017, 19:00

Taekvondoçular beynəlxalq sertifikata layiq görülüblər - FOTOLAR

25.03.2017, 17:57

İsmayıllıda 5 otaqlı ev yanıb

25.03.2017, 17:24

İŞİD-ə qarşı döyüşlərə fasilə verildi

25.03.2017, 17:02

“Ya Avropa İttifaqı vahid olacaq, ya da ümumiyyətlə olmayacaq”

25.03.2017, 16:33

26-ları əslində kim güllələyib?

25.03.2017, 16:18

Sarkisyan Qarabağa gəldi

25.03.2017, 15:55

2 ay yeraltında gizlənən İŞİD üzvləri öldürüldü

25.03.2017, 15:43

Suriyada 17 dinc sakin həlak olub

25.03.2017, 15:12

Erməni xalqı Qarabağ klanından bezib, Azərbaycanla sülh istəyir

25.03.2017, 14:16

Xəzərdə zəlzələ olub

25.03.2017, 13:39

Xaçmazda yanğın, yaralanan var

25.03.2017, 13:22

ABŞ Rusiya qoşunlarının Liviya yerləşməsini TƏSDİQLƏDİ

25.03.2017, 13:13

"Bild": Renat Dadaşov 1 milyon dollar müqabilində Azərbaycan millisini seçib

25.03.2017, 13:01

Merkel Avropa Birliyinin səhvlərindən DANIŞDI

25.03.2017, 12:24

Azərbaycan nefti ucuzlaşdı

ARXİV
SORĞU
Hansı ali məktəb daha yaxşı təhsil verir?
Prezident Yanında Dövlət İdarəçilik Akademiyası(6.06%)
Azərbaycan Dövlət İqtisad Universiteti(12.1%)
Bakı Dövlət Universiteti(24.2%)
Bakı Ali Neft Məktəbi(3.03%)
Azərbaycan Dillər Universiteti(30.3%)
Azərbaycan Dövlət Neft və Sənaye Universiteti(1.51%)
Azərbaycan Texniki Universiteti(0%)
Azərbaycan Tibb Universiteti(1.51%)
Bakı Slavyan Universiteti(6.06%)
Azərbaycan Dövlət Pedaqoji Universiteti(15.1%)