“Bu gün Əkrəm Əylisli ilə birlikdə Hava Nəqliyyatında Polis İdarəsinin istintaq şöbəsində olduq. Əkrəm Əylisliyə qarşı Cinayət Məcəlləsinin 221.1-ci maddəsilə qaldırılmış cinayət işi 315.1-ci (Hakimiyyət nümayəndəsinə qarşı zor tətbiq etmə) maddəsinə tövsif edildi”.
Modern.az saytının məlumatına görə, bu haqda yazıçının vəkili Elçin Sadıqov bildirib.
O, qeyd edib ki, həmin maddədə 3 ilə qədər azadlıqdan məhrumetmə cəzası nəzərdə tutulur.
“Cinayət Məcəlləsinin 315.1-ci maddəsilə istintaq aidiyyəti prokurorluq orqanı olduğundan, cinayət işi istintaqın davam etdirilməsi üçün Bakı şəhər prokurorluğuna göndərilib”.
Gülşən RAUFQIZI