Azərbaycan Dillər Universitetinin İctimaiyyətlə əlaqələr və Mətbuat xidmətinin rəhbəri Zeynab Kazımovadan aldığımız məlumata görə, 2010-cu il Azərbaycan Dillər Universiteti (ADU) üçün bir sıra hadisələrlə əlamətdar oldu. Belə ki, ötən ildə ADU-da beynəlxalq elmi konfranslar, seminarlar və mühüm tədbirlər həyata keçirilib. Buna misal olaraq aşağıdakıları göstərmək olar:
2010-cu ildə ADU ilə Türkiyənin Hacəttəpə və Ankara Universitetləri arasında qarşılıqlı əməkdaşlığa dair protokol imzalanıb, ADU-da Alman oxu zalı, Avstriya kitabxanası, İndoneziya Mərkəzi fəaliyyətə başlayıb, Avropa Şurası Parlament Assambleyasının prezidenti Mövlud Çavuşoğlu Azərbaycana səfəri çərçivəsində ADU-da olub.
Dillər Universiteti və İtaliyanın Peruca Universiteti, Böyük Britaniyanın Esseks Universiteti arasında əməkdaşlıq müqaviləsi imzalanıb.
2010-2011-ci tədris ilində Azərbaycan Dillər Universtitetinin Avropaşünaslıq və Beynəlxalq münasibətlər fakültəsində iki yeni - Qafqazşünaslıq və Hindistanşünaslıq ixtisasları açılıb.
2011-2012-ci il tədris ilində ADU-da Ərəbşünaslıq ixtisası, Çin və Yapon mərkəzləri açılacaq.
Modern.az
