Əməkdar jurnalist
Bir külək ki,
Necə gəldi əsəcək,
Xəncər kimi,
Üzü-gözü kəsəcək
Heç əsməsin o külək.
***
Bir bahar ki,
Tumurcuqsuz olacaq,
Gül-çiçəkdən,
Qanqalı bol olacaq,
Heç gəlməsin o bahar.
***
Qışda qar ki,
Bərəkət yox bəlasa,
Çaylar donub,
Ellər susuz qalarsa,
Heç gəlməsin o qışı.
***
Bir payız ki,
Toysuz-düyünsüzdüsə
Bərəkəti
Qeybə çəkilibdisə
Heç gəlməsin o payız.
***
Bir yayın ki,
Gündən çoxdu buludu
Buz bulaqlar
Axmaz oldu, qurudu
İstəmirəm o yayı.
***
Bir ağac ki,
Kökü yerdə olmasa,
Bar – bəhrəsi,
Bol meyvəsi olmasa
Heç olmasın o ağac.
***
Bir ürək ki,
Sevgi ilə vurmasa,
Məhəbbətdən
Bir yuvacıq qurmasa
Nəyə lazım o ürək.
***
Bir insan ki,
Haqqa meydan oxuyur,
Çəpərini
Nadanlıqdan toxuyur,
Nəyə lazım o insan.
***
Bir tale ki,
Gətirməsə, gəlməsə
Arzulara, istəklərə yetməsə
Yazılmasın o tale.
***
Bir dünya ki,
İşıqdan çox zülmətsə,
İnsanların
Üzü-gözü gülməzsə,
Heç olmasın o dünya!
Heç olmasın o dünya!