Modern.az

“Erməni soyqırımı”nı tanıyan ölkələr - SİYAHI

“Erməni soyqırımı”nı tanıyan ölkələr - SİYAHI

2 İyun 2016, 17:19

Almaniya parlamenti bu gün tarixdə heç vaxt baş verməyən “erməni soyqırımı”na dair qətnamə layihəsi qəbul etdi. Bununla da ermənilərin saxta iddialarına inanan ölkələrin sayı artaraq 25-ə çatıb.

Ermənilər uzun illərdi tarixdə heç zaman olmayan uydurma “soyqırımı”nı dünyanın gündəliyinə gətirirək, ondan siyasi məqsədlər üçün istifadə edirlər. İndiyədək bir sıra ölkələrin parlamentlərində deputatlar əl qaldırıb-endirməklə sözdə “soyqırımı”nın guya, 1915-ci ildə törədildiyi barədə sənədlər qəbul ediblər.

Erməni lobbisi və diasporunun məkrli siyasətinə uyan bir çox ölkələrin parlamentləri “erməni soyqırımı” ilə bağı müxtəlif sənədlər qəbul edib, bu əsassız iddiaları tanıyıblar.
15 aprel 2015-ci il tarixində Avropa Parlamenti də belə bir xain qərar qəbul etmişdi.

Modern.az saytı qondarma “erməni soyqırımı”nı tanıyan ölkələrin siyahısını təqdim edir.

Uruquay parlamenti  – 1965-ci ildə “erməni soyqırımı” iddialarını qəbul edən ilk ölkə kimi tarixə düşüb. 

Rusiya Duması – 1995-ci il aprelin 14-də “erməni soyqırımı”nın tanınması barədə qətnamə qəbul edib.

Kipr parlamenti - 1982-ci ildə “erməni soyqrımı”nı rəsmən tanıyıb.

Amerika Birləşmiş Ştatları – Federal səviyyədə “soyqırımı” tanımasa da, ölkənin 44 ştatı “erməni soyqırımı”nı tanıyıb. Əsasız “soyqırımı” tanıyan ştatlar: Alyaska, Arizona, Arkansas, Kaliforniya, Kolorado, Kentukki, Konnektikut, Delaver,  Florida, Corciya, Cənub Karolina, Aydaho, İllinoys, Kanzas, Şimal Dakota, Şimal Karolina, Luiziana, Men, Merilend, Massaçusetts, Miçiqan, Minnesota, Missuri, Montana, Nebraska, Nevada, Nyu Hempşir, Nyu Cersi, Nyu Mexiko, Nyu York, Ohayo, Oklahoma, Oreqon, Pensilvanya, Rod Aylend, Tennessi, Yuta, Vaşinqton, Vermont, Virciniya, Viskonsin…

Argentina – Bu ölkədə analoji qərar 1985-ci ildə qəbul edilib.

Kanada – 1996-cı il aprelin 23-də “erməni soyqırımı” ilə bağlı qətnamə qəbul olunub.  

Livan – Bu ərəb ölkəsi 1997-ci il aprelin 4-də “erməni soyqırımı”nı tanıyıb

Belçika – 1998-ci ildə ilin martında analoji qərar qəbul edib

Vatikan -  2000-ci ildə 1915-ci il hadisələrini “soyqırımı” kimi tanıyıb.

Fransa – 1998-ci ildə “erməni soyqırımı”nı tanıyıb.

İsveçrə - “soyqırımı” iddialarını 2003-cü ildə qəbul edib.

Slovakiya – 2004-cü ildə yerli parlament “erməni soyqırımı”nı tanıyıb.

Yunanıstan - 1996-cı ildə aprelin 25-də analoji qərar qəbul edib.

İsveç – 2000-ci il martın 29-da ölkə parlamenti “erməni soyqırımı”nı tanıyıb

Polşa – 2005-ci ildə qəbul edib.

Venesuela – 2005-ci ildə analoji qərar verib.

Litva – 2005-ci ilin dekabrında bu barədə qətnamə qəbul edib

Çili – 2007-ci ilin iyununda “erməmni soyqrımımı”nı tanıyıb.

Hollandiya – 2004-cü ildə ölkə parlamenti bu "faktı" rəsmən tanıyıb.

Avropa Şurası – 1987-ci il iyunun 18-də “erməni soyqırımı”nı tanıyıb.

Avropa Parlamenti – Bu qurum da 1987-ci ildə “soyqırımı”nı tanıyıb.

Lüksemburq, Paraqvay, Boliviya 2015-ci ildə “erməni soyqırımı”nı tanıyıb.

Almaniya – 2016-cı il iyunun 2-də saxta iddianı “soyqırımı olaraq tanıyıb.

Vüqar İsmayılov

Youtube
Kanalımıza abunə olmağı unutmayın!
Keçid et
Sevastopolda Rusiyaya məxsus daha bir SU-35 vurulub