Şamaxıda güclü sel suları rayonun bəzi ucqar kəndlərlə əlaqəsini kəsib. Modern.az saytı  "Report"a istinadən xəbər verir ki, günün ikinci yarısında yağan güclü leysan yağışları nəticəsində çaylarda suyun səviyyəsi artıb.

Rayonun əsasən Pirsaat çayı ətrafındakı kəndləri sel suları altında qalıb. Dəmirçi, Zaratxeybəri və Səfalı kəndlərinə gedən yolun uzərindəki körpüləri sel suları aparıb. Buna görə də kəndlərin rayonla əlaqəsi kəsilib.

Kənd sakinlərinin sözlərinə görə, sel suları yollarla yanaşı, fərdi təsərrüfatlara da xeyli ziyan vurub. İri və xirda buynuzlu heyvanlar, ev quşları arasında xeyli tələfat var.

Hazırda rayon icra hakimiyyətinin yerli orqanları seldən zərə çəkmiş ərazilərə baxış keçirir. 

 Modern.az