“Bakı Metropoliteni” Qapalı Səhmdar Cəmiyyəti (QSC) iyunun 22-dən etibarən yay qrafikində işləyəcək.
Bu haqda Modern.az saytına məlumat verən qurumun mətbuat xidmətinin rəhbəri Nəsimi Paşayev deyib ki, yay rejiminə keçidlə bağlı xəttə buraxılan qatarların sayı azaldılacaq:
“Qış qrafikində saatda 30 cüt qatar xəttə buraxılırdısa, yay qrafikinə əsasən qatarların hərəkət cədvəli 24 cüt olacaq.
Yay qrafikində “Həzi Aslanov” – “28 May” stansiyaları arası interval pik saatlarda 2.5 dəqiqə, qeyri-pik saatlarda 3 dəqiqə, “28 May” – “İçərişəhər”, “28 May” – “Dərnəgül” stansiyaları arası interval isə müvafiq olaraq 5-6 dəqiqə olacaq.
Onun sözlərinə görə, qeyri-iş günlərində metroplitendə fərqli qrafik tətbiq ediləcək: “Əvvəl “Həzi Aslanov”dan 1 saatda 30 qatar çıxırdısa, indi 24 qatar çıxacaq. Pik saatlarda qatar 2 dəqiqədən bir yola düşürdüsə, indi 2,5 dəqiqədən bir xəttə buraxılacaq”.
Gülşən RAUFQIZI