1998-ci ildə Qarabağ Əlillər Cəmiyyətinin rəhbərliyinin bir qrupu Qroznıda keçirilən Çeçenistan əlillərinə xeyriyyə marafonunda iştirak edib. Bu barədə Modern.az saytına marafonda Cəmiyyəti təmsil edənlər sırasında olan təşkilatın o vaxtkı mətbuat katibi Rey Kərimoğlu məlumat verib.
R.Kərimoğlu həmin dövrdə aldığı müsahibənin videokassetini itridiyini deyib:
“O vaxtı Qroznıda Çeçenistan əlillərinə xeyriyyə marafonu keçirilirdi. Biz də orda iştirak edirdik. Qarabağ Əlillər Cəmiyyətinin rəhbərliyində təmsil olunan bir neçə şəxs ora yola düşdük. Mən o vaxt Cəmiyyətin mətbuat xidmətinin rəhbəri kimi iştirak edirdim.
Marafonda iştirak etdik, Aslan Mashadovla, Zəlimxan Yandarveyevlə, Salman Raduyevlə görüşümüz oldu. Təəssüf ki, Zəlimxan Yandarveyevlə, Salman Radıyevlə 2 saatlıq müsahibənin videokassetləri mənim əlimdə deyil”.
O, həmin kassetlər itirdiyini bildirib.
Gülşən RAUFQIZI
