Azərbaycan və Ermənistan prezidentləri İlham Əliyev və Serj Sarkisyanın növbəti görüşü bu gün Sankt-Peterburqdakı Konstantinovski sarayında keçiriləcək.
Modern.az-ın xəbərinə görə, bu barədə görüş yerinə gələn ATƏT Minsk qrupunun amerikalı həmsədri Ceyms Uorlik öz "twitter" səhifəsində yazıb.
İyunun 20-də Rusiya prezidenti Vladimir Putin Sankt-Peterburqda Azərbaycan və Ermənistan prezidentləri İlham Əliyev və Serj Sarkisyanla Dağlıq Qarabağ münaqişəsinin həllini müzakirə edəcək.
Rusiya prezidentinin köməkçisi Yuri Uşakovun sözlərinə görə, əvvəlcə Putin ayrı-ayrılıqda İ.Əliyev və S.Sarkisyanla görüşəcək, daha sonra prezidentlər üçtərəfli danışıqlar aparacaq.
Uşakov qeyd edib ki, görüş günün ikinci yarısında nəzərdə tutulub.
Ağa AKİFOĞLU