Amerika Mərkəzi Kəşfiyyat İdarəsinin (MKİ) direktoru Con Brennan İstanbul Atatürk hava limanında törədilən terror aktlarına münasibət bildirib.
Modern.az-ın Türkiyə KİV-nə istinadən verdiyi xəbərə görə, ABŞ-ın baş kəşfiyyatçısı İŞİD-ə qarşı iddia irəli sürüb.
O deyib ki, İŞİD terror təşkilatı Türkiyəyə silahlılar göndərib:
“Terrorçu İŞİD qruplaşması Türkiyəyə 30 silahlı göndərib".
Xatırladaq ki, iyunun 16-da Senatın Kəşfiyyat üzrə Komitəsindəki çıxışında Con Brennan terrorçu İŞİD qruplaşmasının Qərb ölkələrində yeni terror aktları törədəcəyini bəyan etmişdi.
O, İŞİD-in terrorçuları Qərb dövlətlərinə qaçqın və turist kimi göndərə biləcəyini demişdi.
Qeyd edək ki, ötən gün İstanbulun Atatürk hava limanındakı terrorda 36 nəfər ölüb, 147 nəfər isə yaralanıb.
Ağa AKİFOĞLU
