Daxili İşlər Nazirliyi Göyçaydakı qətlə barədə məlumat yayıb. Modern.az Daxili İşlər Nazirliyinə istinadən xəbər verir ki, iyunun 30-da Ağdam rayon sakini Sərxan Süleymanov Göyçay RPŞ-yə zəng edib, mayın 16-da bacısı Nargiləni qaçırmış Göyçay şəhər sakini Orxan Quliyevi bıçaqla qətlə yetirdiyini bildirib.
Göyçay RPŞ əməkdaşları tərəfindən aparılmış araşdırmalarla müəyyən edilib ki, S.Süleymanov iyunun 30-da ünvanı səhv salaraq, Göyçay şəhərində yaşayan Cəbrayıl Kərimovun evinə açıq qalmış qapıdan girərək, onu yatmış halda bıçaqla qətlə yetirib.
Həyata keçirilmiş əməliyyat-axtarış tədbirləri ilə S.Süleymanov tutulub.
Araşdırma aparılır.
Modern.az