Rusiya xarici işlər naziri Sergey Lavrovla almaniyalı həmkarı Frank-Valter Ştaynmayer arasında telefon danışığı olub.
Onlar Dağlıq Qarabağ münaqişəsinin nizamlanması prosesinin perspektivləri, eləcə də Minsk razılaşmalarının yerinə yetirilməsi üzrə "Normand formatı"nda işi müzakirə ediblər.
Modern.az xəbər verir ki, bu barədə Rusiya XİN-in məlumatında bildirilib.
Qeyd olunub ki, almaniyalı nazirin ATƏT-in sədri kimi Yerevana və Bakıya səfərlərinin yekunları nəzərə alınmaqla Dağlıq Qarabağ münaqişəsinin həlli prosesinin perspektivlərinə xüsusi diqqət ayrılıb.
Modern.az
