Avropa çempionatının 1/4 final mərhələsində növbəti oyun keçirilib. Modern.az saytı xəbər verir ki, bu dəfə Almaniya millisi İtaliya ilə qarşılaşıb. "Erkən final" adlandırılan oyunda hesabı Almaniya komandası açıb. Belə ki, oyunun 64-cü dəqiqəsində Almaniya Məsud Özilin qolu ilə hesabda irəli çıxıb - 1:0. Lakin matçın 78-ci dəqiqəsində Leonardo Bonucci penaltidən hesabı bərabərləşdirib - 1:1.
Oyunun əsas vaxtı elə bu hesabla yekunlaşıb. Əlavə vaxtda da komandalar fərqlənə bilməyib.
Penaltilər mərhələsində isə daha dəqiq olan Almaniya yarımfinala vəsiqə qazanıb (6:5).
Qeyd edək ki, yarımfinalda mübarizə aparacaq ilk cütlük Uels və Portulqaliya komandalarıdır.
Almaniya isə yarımfinalda Fransa - İslandiya cütünün qalibi ilə qarşılaşacaq.
Modern.az