“Həbs olunanların məhkəmə proseslərinin keçirilməsi çox böyük salonlara ehtiyac var. Ona görə məhkəmə prosesləri üçün Sincan rayonunu seçdik”.
Modern.az-ın Türkiyə KİV-nə istinadən xəbərinə görə, bu sözləri Türkiyənin Ədliyyə Naziri Bekir Bozdağ deyib.
Nazir bildirib ki, məhkəmə prosesləri uzun çəkəcək.
“Məhkəmə prosesləri uzun müddət davam edə bilər. Çünki istəmirik ki, günahsızlar da mühakimə olunsun və qurunun oduna yaş da yansın. Bunun qarşısını isə yalnız məhkəmə ala bilər.
Mən məhkəmə sistemimizin ədalətli qərar qəbul edəcəyinə və günahsızların cəza almaması üçün əlindən gələni əsirgəməyəcəyinə inanıram".
Ağa AKİFOĞLU