Ötən gün Ermənistan prezidenti Serj Sərkisyanın güc strukturlarının nümayəndələri ilə məhkəmə islahatları barədə keçirdiyi ikinci müşavirədə müdafiə naziri Seyran Ohanyan iştirak etməyib. Modern.az Axar.az-a istinadən xəbər verir ki, erməni mətbuatı Seyran Ohanyanın iclasa qatılmamasının səbəblərini açıqlamır.
Ancaq bir müddət öncə erməni KİV-lərində Ermənistan Silahlı Qüvvələrində yüksək vəzifəli şəxslərin işdən çıxarılması və korrupsiya faktları ilə bağlı Sərkisyanla Ohanyan arasında gərginliyin pik həddə çatdığı vurğulanıb.
Qeyd edək ki, Ermənistanda hökumət əleyhinə etirazlar yenidən baş qaldırıb. Serj Sərkisyan dünən keçirdiyi görüşdə İrəvanda polis binasını tutan şəxsləri silahı yerə qoymağa və təslim olmağa çağırıb.
Modern.az
