27 may 2018, Bazar
Ana Səhifə - REPORTAJ - Nağıla bənzəyən şəhər və turist cəlb edən taksi sürücüsü - REPORTAJ
Nağıla bənzəyən şəhər və turist cəlb edən taksi sürücüsü - REPORTAJ +
24.07.2016, 22:58

Qədim tikililər, məkanlar bəzilərinə görə müasir zəmanəmizə  “yamaq” təsiri bağışlasa da, ruha yaxın olması baxımından hər bir insanın geriyə dönmək istədiyi  bir yerdir. Sabah üçün yaşanan ömür əslində, addım-addım dünənə yaxınlaşır. Bu üzdən də hər birimizin qayıtmaq istədiyimiz bir keçmişimiz var. O keçmiş ki maqnit kimi bizi özünə çəkən tarixi məkanlarımızla bağlıdır.

 

Bu dəfə özümüzdən yox, Tiflisdən danışmaq istəyirəm.

 

Tiflis haqqında kimlər ağızdolusu danışmayıb ki! Bir vaxtlar  Üzeyir bəy, Cəlil Məmmədquluzadə, Firudin bəy Köçərli, Süleyman Sani Axundov  kimi azərbaycanlı mütəfəkkirlər cəhalət zəncirini qırıb Qori seminariyasına üz tutanda “ağızbüzənlər” çox olmuşdu.

 

Bu təhsil ocağı həm də “kafir yığnağı” idi axı! Daha doğrusu, bizim əsl dindən uzaq mollalar  belə düşünürdü. Hə nə olsun! Biz hər şeyə ağız büzməyə bir növ adət etmişik. Əlinə çomaq alıb zor gücünə  övladını molla görmək istəyən azərbaycanlı valideynlər bir də gözlərini açıb gördülər ki....

 

Cəhalətin içində parıldayan nələrsə var.  

 

İndi şükürlər olsun ki, Tiflisin Qori seminariyasına ehtiyacımız yoxdur. Özümüz öz övladlarımıza təhsil  verə bilirik.

 

Qayıdaq Tiflis sərgüzəştlərimizə. Tiflisin gecələri sakit, gündüzləri həyat eşqilə qaynayır.  Bir az isti, bir az külək, bir az da yağış damcıları  pıçıltı ilə nağıl danışmaq istəyir.

 

Bizim isə nağıla qulaq asan vaxtımız deyil.

 

Addımbaşı qara donlu keşişlərlə rastlaşırıq. Bu dəm “Dədə Qorqud” dastanındakı qara donlu kafirləri gözümün önünə gəlir. Fikirləşirəm. Nə yaxşı ki bizim  mollalar qara çadıra bürünmür.  

 

Tiflisin hər küçəsinin başında addımlayan keşişlər nağıllardakı şər qəhrəmanları xatırladır. Dedim axı, bizim nağıla qulaq asan vaxtımız deyil.

 

Tiflisin küçələri dilənçilərlə də zəngindir.  Müxtəlif yaşlarda dilənən insanlara rast gəlmək mümkündür. Amma adama stimul verən dilənçilər də var. Pis başa düşməyin! 20-22 yaşlarında olan gənclər, ifa etdikləri musiqi alətlərində musiqinin sehrindən elə formada feyziyab olublar ki, dilənçilik missiyalarını da həvəslə, mədəni şəkildə yerinə yetirirlər. Necə deyərlər, sırtıq dilənçini heç Allah da sevməz. Dilənçi olanda da mədəni şəkildə dilənməyi bacarmaq lazımdır.

 

Oraların “icra başçısı”

 

Turist əlindən tərpənmək çətin olan Tiflis, qədimi görkəmdə olmaqla yanaşı, həm də saflıq rəmzinə çevrilməkdədir. Bu balaca şəhərin küçələri  qan  seli içində az üzməyib ha!

 

Keçmiş prezident Eduard Şevardnadzenin əlində böyüməyə başlayan bu şəhərin insanları Saakaşvili zamanında Rusiya ilə aparılan müharibəyə şahidlik edib.

 

2008-ci il çox da uzaq tarix deyil.

 

Ən yaxın tarixdə müharibə qoxusu udan gürcülər polad kimi möhkəmdir.  Turistlər dəstə-dəstə  qədim və sakit qoxulu şəhərə axın edir.  Kənardan baxanda adama elə gəlir ki, bu  şəhərin köhnə  tikililəri bu dəqiqə başımıza uçacaq. Bu səbəbdən də uçuq-sökük məkanlarda turistlərin nə işi var axı?!

 

Həə, bax maraq da o köhnə tikililərdədir də!  Xarabalığa oxşayan bəzi yerləri görəndə ürəyimdən qara qanlar keçməzmi?! Keçər. Gürcülərin ayaq basdıqları torpaqlar yazıq deyil?! Üzərlərində dəlmə-deşik köhnə evlər “at oynadır”. Amma turistlər bu köhnə yerlərə elə möhkəm sarılıblar ki! 

 

Hələ ölü balıq qoxusu verən Kür çayı da şəhərin içindən axır. Çay o dərəcədə bulanıq və üfunət qoxur  ki, onu, üzərində salınan körpüyə görə bağışlamaq olar. Bu körpü həm də müxtəlif xalqları bir araya gətirə bilir. Hər kəs bir-birinə sarılıb şəkil çəkdirir. Balıq qoxulu Kür çayı, yaranan “körpülərin” hesabına  seyr edilir.

 

Görəsən, Tiflisin Hacıbala Abutalıbov kimi meri niyə yoxdu?! Tiflisi brend libaslarla bəzəmək daha gözəl olmazdımı?! Demək ki, olmazmış....

 

Tiflis köhnə görkəmdə bir az ecazkar, bir az ağır  görünsə də, hər uçuq-sökük binanın yanında bizim Hacıbala müəllimin yeri mütləq əskik görünür. Bu arada, Tiflisin bizdən öyrənməli çox şeyləri var ha! Elə bizim də onlardan!

 

Axşamın düşməsinə az qalır.

 

Tiflis də ki balaca şəhərdir də! O başdan bu başa qədər uzun məsafə qət etmirsən. Turistlərin bir-biri ilə həmsöhbət olması  qısa vaxt ərzində baş tutur.  Rusiyadan olan  müəllim və onun qızı ilə həmsöhbət oluruq.

Putinin düşmənçilik toxumları səpməsinə baxmayaraq, sadə vətəndaşlar siyasi elitanın “torpaq acgözlüyü”ndən uzaqdılar. Bizim Bakıdan olduğumuzu biləndə Bakının adını eşidib özünü görmədiklərini deyirlər.

Rus turistlərini Tiflisin qədim şəhər olması  daha çox cəlb edir.

 

Bakıda olmaq istəyən  turistləri  Bakının da Tiflis kimi qədim şəhər olması maraqlandırır.  Yenə fikir götürür məni. Necə cavab verim ki, “nə şiş yansın, nə də kabab”.

 

Gəzməyə həvəs həmişə var

 

Turistləri üz tutduqları şəhərin  diskotekalarından, göyün 7-ci qatına ucalan göydələnlərindən, müasir əyləncə mərkəzlərindən daha çox tarixi tikililər cəlb edir.

 

Tiflisin hər addımlığında turizmin yüksək inkişaf etdiyi aydın sezilir. Turizmin uğurlu inkişafının səbəbləri sırasında ucuz otel və hostellər, restoranlar, gözəl məkanlar, hər kəsə açıq Wi-Fi üstəlik sadə vətəndaşların “ilanı yuvadan çıxaran şirin dili”nin olması  var.

 

Şirin dil demişkən, yadıma taksi sürücüsünün turisti necə cəlb etmək missiyası düşür.  Mədəni şəkildə yaxınlaşıb salamlaşır. “Funikulyora mindinizmi?”. “Xeyr”-deyirik.

 

“Tiflisə gələsən funikulyora minməyəsən, yaşıllıqdan, gözəl mənzərədən ibarət parkı görməyəsən?!”. “Görək də. Nə deyirik?!”. Əyləşirik taksiyə. Tiflisi ayaqüstü vəsf edən bu taksi sürücüsü əslən abxaziyalıdır. 5-10 dəqiqəlik  yol boyu münaqişə zonası olan Abxaziyadan danışır. Dağlıq Qarabağın da eyni taleyi yaşadığını təsdiqləyir. 

 

Abxaziya müharibəsində ayağından zədə alan sürücü,  həm də  ehtiyatda olan polkovnikdir. Abxaziya üçün çox darıxdığını deyir.

 

Əlbəttə, Vətən həsrəti pis şeydir. Doğulduğun torpaqlarda havalanmaq istəyin mümkünsüz olunca isə....

 

Təəssüf ki, vətən həsrəti gerçək nağıllara çevrilir. Nağıllara qulaq asan vaxtımız olmasa da gerçəkləri görməzlikdən gəlmək olmur.  

 

İki dəqiqənin içində sadə  gürcü vətəndaşı ticarətini, biz də ziyarətimizi gerçəkləşdirmiş olduq.

 

Maraqlı, həm də nümunəvi addımdır. Bir vətəndaş ki, “uçuq-sökük divarını”  əcnəbi turistə təqdim etməyi bacarırsa, əhsən belə vətəndaşa!

 

Namidə BİNGÖL


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
4 ayda Azərbaycanda 505 traktor, 130 avtomobil istehsal olunub
27.05.2018, 17:13

4 ayda Azərbaycanda 505 traktor, 130 avtomobil istehsal olunub

Ağır atletika üzrə yeniyetmələr arasında Azərbaycan birinciliyi başa çatdı
27.05.2018, 17:02

Ağır atletika üzrə yeniyetmələr arasında Azərbaycan birinciliyi başa çatdı

Biləsuvarda 16 yaşlı qız intihar etdi
27.05.2018, 16:20

Biləsuvarda 16 yaşlı qız intihar etdi

Azərbaycan XİN-dən Paşinyanın oğlunun Qarabağda hərbi xidmət keçməsinə REAKSİYA
27.05.2018, 16:11

Azərbaycan XİN-dən Paşinyanın oğlunun Qarabağda hərbi xidmət keçməsinə REAKSİYA

İsmayıllıda 60 kənd işıqsız, 7 kənd qazsız qaldı, mal-qaranı sel apardı
27.05.2018, 16:05

İsmayıllıda 60 kənd işıqsız, 7 kənd qazsız qaldı, mal-qaranı sel apardı

Türkiyənin məşhur aktyoru yol qəzasında öldü
27.05.2018, 15:57

Türkiyənin məşhur aktyoru yol qəzasında öldü

Fransalı nazir UFAZ-da oldu
27.05.2018, 15:54

Fransalı nazir UFAZ-da oldu

Məmmədyarovdan Ermənistana MESAJ: “Qoşunlarınızı dərhal Qarabağdan çıxarın!”
27.05.2018, 15:35

Məmmədyarovdan Ermənistana MESAJ: “Qoşunlarınızı dərhal Qarabağdan çıxarın!”

Gürcüstanda intihar edən azərbaycanlı tələbə haqda yeni AÇIQLAMA…
27.05.2018, 15:24

Gürcüstanda intihar edən azərbaycanlı tələbə haqda yeni AÇIQLAMA…

Makron Azərbaycana gələcək
27.05.2018, 15:18

Makron Azərbaycana gələcək

Sabahın havası - Bakıda 27 dərəcə isti olacaq
27.05.2018, 15:08

Sabahın havası - Bakıda 27 dərəcə isti olacaq

"Qarabağdakı hazırki vəziyyət münaqişənin həlli üçün yol deyil" - Fransadan ÇAĞIRIŞ
27.05.2018, 15:06

"Qarabağdakı hazırki vəziyyət münaqişənin həlli üçün yol deyil" - Fransadan ÇAĞIRIŞ

Avronest rəhbərliyindən Diaspor Komitəsinin sədrinə məktub gəldi
27.05.2018, 15:01

Avronest rəhbərliyindən Diaspor Komitəsinin sədrinə məktub gəldi

Fransa Qarabağ münaqişəsinin həllinə kömək edəcək - AÇIQLAMA
27.05.2018, 14:41

Fransa Qarabağ münaqişəsinin həllinə kömək edəcək - AÇIQLAMA

Çində 6 minə yaxın məmur cəzalandırıldı
27.05.2018, 14:04

Çində 6 minə yaxın məmur cəzalandırıldı

Emin Ağalarov Azərbaycanın Xalq artisti oldu - SƏRƏNCAM
27.05.2018, 13:48

Emin Ağalarov Azərbaycanın Xalq artisti oldu - SƏRƏNCAM

Bu mədəniyyət xadimlərinə fəxri adlar verildi - SİYAHI   
27.05.2018, 13:43

Bu mədəniyyət xadimlərinə fəxri adlar verildi - SİYAHI  

Putin canlı yayımda vətəndaşlara CAVAB VERƏCƏK  
27.05.2018, 13:32

Putin canlı yayımda vətəndaşlara CAVAB VERƏCƏK  

Suriyada 4 rus hərbçi öldürüldü, 3-ü yaralandı
27.05.2018, 13:11

Suriyada 4 rus hərbçi öldürüldü, 3-ü yaralandı

İlham Əliyev Fransanın xarici işlər nazirini qəbul edib - YENİLƏNİB
27.05.2018, 12:47

İlham Əliyev Fransanın xarici işlər nazirini qəbul edib - YENİLƏNİB

Paşinyanın öz dığasının əlinə silah verməsi populistlikdir…   
27.05.2018, 12:44

Paşinyanın öz dığasının əlinə silah verməsi populistlikdir…  

100 yaşlı bayrağı təslim alan tədqiqatçı: “Novruz müəllimə əmanətin məndə olduğunu dedim” - FOTO
27.05.2018, 12:22

100 yaşlı bayrağı təslim alan tədqiqatçı: “Novruz müəllimə əmanətin məndə olduğunu dedim” - FOTO

Qurban Məmmədov mühacirətə getdi
27.05.2018, 12:00

Qurban Məmmədov mühacirətə getdi

Çempionlar Liqasının finalından sonra 18 azarkeş saxlanılıb
27.05.2018, 11:16

Çempionlar Liqasının finalından sonra 18 azarkeş saxlanılıb

Fransanın xarici işlər naziri Bakıya gəlib
27.05.2018, 11:14

Fransanın xarici işlər naziri Bakıya gəlib

Dünya respublikaçılıq irsində Azərbaycan Xalq Cümhuriyyəti
27.05.2018, 10:40

Dünya respublikaçılıq irsində Azərbaycan Xalq Cümhuriyyəti

Azərbaycanın Xarici İşlər Nazirliyi bəyanat verdi
27.05.2018, 10:38

Azərbaycanın Xarici İşlər Nazirliyi bəyanat verdi

Ermənistanın baş naziri oğlunu hərbi xidmət üçün Qarabağa göndərdi
27.05.2018, 10:13

Ermənistanın baş naziri oğlunu hərbi xidmət üçün Qarabağa göndərdi

Ermənistan atəşkəsi 86 dəfə pozdu
27.05.2018, 09:42

Ermənistan atəşkəsi 86 dəfə pozdu

İlham Əliyevin oğlu məzun oldu - FOTOLAR
27.05.2018, 09:00

İlham Əliyevin oğlu məzun oldu - FOTOLAR

1904-cü ildə kimya üzrə Nobel mükafatçısı - UİLYAM RAMZAY
27.05.2018, 00:49

1904-cü ildə kimya üzrə Nobel mükafatçısı - UİLYAM RAMZAY

“Real Madrid” Çempionlar Liqasının qalibi oldu
27.05.2018, 00:40

“Real Madrid” Çempionlar Liqasının qalibi oldu

Sosial şəbəkələr insanları öldürür - ARAŞDIRMA
27.05.2018, 00:12

Sosial şəbəkələr insanları öldürür - ARAŞDIRMA

Prezident: "Biz nəinki regionun, Avrasiyanın enerji xəritəsini yenidən tərtib etmişik"
26.05.2018, 23:57

Prezident: "Biz nəinki regionun, Avrasiyanın enerji xəritəsini yenidən tərtib etmişik"

Platiniyə qarşı təhqiqatlar dayandırılıb
26.05.2018, 23:46

Platiniyə qarşı təhqiqatlar dayandırılıb

ARXİV
SORĞU
Türkiyədə səsvermə hüqüqunuz olsaydı, hansı namizədə səs verərdiniz?
Muharrem İnce (21.9%)
Meral Akşener (12.2%)
Rəcəb Tayyip Ərdoğan (58.2%)
Selahattin Demirtaş (1.60%)
Temel Karamollaoğlu (0.53%)
Doğu Perinçek (5.34%)