Avropa Komissiyasının sədri Jan-Klod Yunker ölüm hökmünü bərpa edəcəyi təqdirdə Türkiyənin Birliyə üzvlüklə bağlı apardığı danışıqların dərhal dondurulacağını bəyan edib.
Modern.az xarici KİV-ə istinadən xəbər verir ki, onun sözlərinə görə, Avropa Birliyində ölüm hökmünün qanuniləşdiyi ölkənin yeri yoxdur.
Xatırladaq ki, iyulun 16-da Türkiyədə bir qrup hərbçinin çevriliş cəhdi zamanı 241 nəfər həlak olmuş, 1400-dən artıq insan yaralanmışdı.
Hadisədən sonra prezident Rəcəb Tayyip Ərdoğan ölkədə 3 aylıq fövqəladə vəziyyət elan edib.
Vüqar İsmayılov
