Modern.az

Ali məktəblərdəki ən bahalı və ən ucuz ixtisaslar - SİYAHI

Ali məktəblərdəki ən bahalı və ən ucuz ixtisaslar - SİYAHI

29 İyul 2016, 12:29

2016-2017-ci tədris ili üçün ali məktəblərə daxil olmaq istəyən abituriyentlər bu gündən ixtisas seçməyə başlayıblar. İmtahanlarda yüksək bal toplayanlar təbii olaraq dövlət sifarişli yerlərə üstünlük verəcəklər, aşağı nəticələr göstərən abituriyentlər isə tələbə adını qazanmaq üçün istər-istəməz pullu ixtisaslar arasından da seçim edəcəklər.

Maraqlıdır, ali məktəblərdəki pullu ixtisaslar üzrə ödənişlər nə qədərdir? Ən bahalı və ən az ödənişli ixtisaslar hansılardır?

Modern.az saytı bu suala cavab tapmaq üçün kiçik bir araşdırma aparıb.

Məlum olum olub ki, 2016/2017-ci tədris ili üçün ali təhsil müəssisələrində ən baha ixtisas üzrə 6500 manat, ən ucuz ixtisas üzrə isə 1000 manat ödəniş tələb olunur.

Bu il ali təhsil müəssisələrinin plan yerləri arasında ən bahalı və ən ucuz ixtisaslar I qrupdakı texniki peşələr olan kompüter və informasiya texnologiyaları elmləri, mühəndislik və sənaye sahələri üzrədir.

Hazırda ali təhsil müəssisələri arasında ən bahalı ixtisas “ADA” Universitetindədir. Belə ki, bu ali məktəbdəki kompüter mühəndisliyi, sistem mühəndisliyi, kompüter elmləri, informasiya texnologiyaları ixtisaslarının hər birinin illik təhsil haqqı 6500 manat təşkil edir.

Bu il təhsil haqqı ən ucuz ixtisas Gəncə şəhərində yerləşən Azərbaycan Texnologiya Universitetindəki mühəndislik ixtisasıdır. Belə ki, bu universitetdəki metallurgiya mühəndisliyi, maşın mühəndisliyi, texnoloji maşın və avadanlıqlar mühəndisliyi, kompüter mühəndisliyi, çoxişlənən malların texnoloji mühəndisliyi, təkrar emal və bərpa texnologiyaları mühəndisliyi ixtisaslarınınillik təhsil haqqı 1000 manat olacaq.


 Ağa AKİFOĞLU

Youtube
Kanalımıza abunə olmağı unutmayın!
Keçid et
Hərbi gəmilər döyüşə hazır vəziyyətə gətirildi