Yerevanda post-patrul alayının binasını ələ keçirən silahlı müxalifətçilər atəş açaraq bir polis əməkdaşını öldürüblər. Modern.az Ermənistan KİV-nə istinadən bildirir ki, bu haqda Daxili İşlər Nazirliyi məlumat yayıb.
“Bir neçə dəqiqə əvvəl post-patrul alayı tərəfdən atəş açılıb. Nəticədə polisdə xidmət edən 30 yaşlı Yura Tepanosyan ölüb”, - Ermənistan polisinin mətbuat xidmətinin rəhbəri Aşot Aqaronyan Facebook səhifəsində yazıb.
Ermənistan Milli Təhlükəsizlik Xidməti bu gün binanı ələ keçirənlərə ultimatum irəli sürüb. Onlar saat 17:00-a qədər təslim olmasaydılar? silah tətbiq ediləcəkdi. Bu müddət başa çatandan sonra alay ərazisindən atəş səsləri gəlib. Mühasirəyə alınan əraziyə bir neçə polis zirehli avtomobilləri gəlib.
Modern.az