Şahnaz Şahin imzası oxuculara çoxdan tanışdır. Şairin indiyə qədər 3 şeir və bir publisistika kitabı nəşr olunub. Azərbaycan Yazıçılar Birliyinin üzvüdür. Şeirlərinə mahnılar bəstələnib.
...yenə gün axşam oldu...
yenə uçdu qaranlıq..
qürbətdən dən gətirib
yerə səpdi qaranlıq...
yenə o deyən oldu..
yenə mən o dünyalıq...
çıxıb indi necə alım,
kimdən alım halallıq...
axırı gözlə dedilər...
keçib gedər dumanlar...
qayıdıb ürəyimi vurdu
o gümansız gümanlar...
AYRILIQ ÇƏTIN OLACAQ
Nə sahmanı pozulacaq,
... nə gözləri dolacaq,
...nə də dağılacaq dünya bizə görə...
Öz novbəsində gələcək fəsillər,
Öz vaxtında açacaq çıçəklər...
yenə gorüşə qaçacaq sevgililər...
Sevgi şərqisi deyəcək bülbüllər.
Yenə saf məhəbbətə söz qoşacaq
şairlər...
Fəqət hər şey
başqa cür gorünəcək bizə...
Arada dağlar duracaq...
Ayrılıq cətin olacaq...
***
...Səni ,
sonuncu gülləm kimi sıxdım ozünə...
çıxdın
dişlərim arasından can kimi...
qan fişqırdı üzümə..!
...Boyat yuxuların əsiriydin...
yenəmi ağrıyır qolun,
ürəyinin yerinə...?!
***
...mən elektrik dirəyiyəm...
sinirlərim məftil....
yüksək gərginlik mənim ücün heç nədi...
məndən asılıb "Əl vürma oldürər!" lövhəsi...
...yanımdan qorxa-qorxa keçib gedir adamlar...
eh... can yaman şirin şeydi..!
...qalaq-qalaq ağrıları ötürürəm ...
cəkirəm başıma xatirələri...
uduram qəhər-qəhər
təzə kəşf etdiyim planeti....
...bu gün bitir ayrılıqlar!..
sabaha
vüsal da yoxdu...
...bilirsən..?
***
...Tərs oxunan dualardı,
gəlib düzünə çıxır...
Havada otlar göyərir
adamın dizinə cıxır...
Canını götürüb gedir
dünyadan canı olmayan...
Günəşdən toz qopur daha
ağzını tut, boğulmayaq...
Gecələr ovudur bizi,
aldadıb yuxu aparır...
Hələ də kimsə hardasa,
dəyəsən sorğu aparır...
***
...hər gün dolur ürəyim,
hər gün gozüm boşalır...
çıxıb gedir doğmalar,
yad qalıb doğmalaşır...
Günü günə satıram
bir borcumu verməyə...
uduzuram bir ömrü
elə bircə kəlməyə...
ehey... harda qalmısan,
gözləyimmi.., gedimmi?!
bilmirəm demədiyin
söz yadına gəlirmi?!
sıxırmı ürəyini
ağrıdırmı dilini?!
bir əmanətin vardı...
di, tez ol aç əlini..!
***
Səni birinci
barmaqlarından başladım
unutmağa –
saçlarımdan sığalını yudum,
yanaqlarımdan öpüşlərini,
gozlərimdə yığılan
baxışlarını ağladım.
Soyundum əynimdən göruşlərini.
Sənmi söyləmişdin "pozu olmaz yazıya”?
Dəqiq sən söylədin, amma,
söylədin ki,
şansımız yox qovuşmağa.
Söküb atdım urəyimdən adını,
ürək yamaq götürmür!
Bacarsan sən də unut, unut,
səni sevməyən qadını...
***
SƏNİN ÜÇÜN
Bir ayrılıq şəkli var
Başımızın ustundə...
Gozlərimiz acışır
Həsrətin tüstüsundə...
Hər gun bir az uduzur
Ayrılığa bu ürək...
Hər yeni gün yazılır
Köhnə günə ölərək!
İslanır köhnə təqvim
Qopub düşür divardan.
Kimsə bəxtəvər deyir
Baxıb bizə kənardan.
***
...Bir sevda keçdi önümdən...
bir az gözləri qıyıqdı,
Bir az ayağını çəkir,
azca da kefi yox idi.
Düşüb arxamca gəlmişdi,
deyirdi yaman darıxıb.
Deyirdi həyatı puçdu,
amma nəfsinə tox idi....
Hətta icazə istədi,
tutum əllərindən - dedi.
Bura ayrılıqdı – gedək,
utandım çəkdim əlimi....
...Allah nə gözəl yuxuydu..!
***
Sevgi bəzən
boşluğa yağan yağışdı,
Bəzən yalan, aldanış...
Bəzən də
gözlərin altına düşən qırışdı.
***
Hərdən xatırladır səni
boş küçələr...
Saçımın bir telini yandırıb
üfürürəm gecəyə quş lələyi bilib...
...Dartıb qırıram teleqraf tellərini...
atıram dənizə səsini...
Yumulur gecə çiçəkləri, silir pəncərəmdən
qan ləkələrini
küləklərin qoluna girib
asılıram Yer kürəsindən...
Aşağıda kimsə şar uçurur havaya,
kimsə dənizə görüş təyin edir.
Kimsə neçənci dəfə tövbə deyir sevgiyə
boş küçələrdən keçib gedirəm,
ütüsü pozulur gecələrin.
Modern.az