26 fevral 2017, Bazar
Ana Səhifə - REPORTAJ - Bakıdan Batumiyə gedən ikimərtəbəli avtobusun xoşagəlməz OLAYLARI
Bakıdan Batumiyə gedən ikimərtəbəli avtobusun xoşagəlməz OLAYLARI +
22.08.2016, 11:56

Xəbər verdiyimiz kimi, Bakı Beynəlxalq Avtovağzal Kompleksindən həftənin 1, 3 və 5-ci günləri Bakı-Batumi avtobus reysi fəaliyyətə başlayıb. Adambaşına açıqlanan bilet qiymətləri cazibəli göründüyündən biz də ailə üzvlərilə birgə Batumiyə yollanmaq qərarına gəldik.

 

Xatırladım ki, Dövlət Avtomobil Nəqliyyatı Xidməti (DANX) tərəfindən elan olunan qiymətlərə görə, gediş 5 yaşına qədər uşaqlara pulsuz, 5 yaşından 10 yaşına qədər uşaqlara isə 50 faiz endirimlədir. İlk baxışda cəzbedicidir: Wi-fi sistemi, sanitar qovşaqla təchiz olunmuş ikimərtəbəli, komfortlu avtobus... Yolboyu pulsuz çay, kofe... Bir sərnişinin mənzil başına çatması üçün lazım olan hər şey. Yaxşı olardı, amma hamısı yerinə yetirilsəydi...

 

 

"Ağıllı kassir"

 

İlk problem bilet almaq üçün yaxınlaşdığımız 5 nömrəli kassada yaşandı. Kassada əyləşmiş iki xanım uzun çək-çevirdən sonra gediş üçün bilet olub-olmadığına baxdı. Sərnişin sıxlığı yarandığı üçün əlavə reys açıldığını bildirdilər. Razılaşdıq. Əmin olmaq üçün xanımdan avtobusun ikimərtəbəli olub-olmadığını xəbər aldım. Xanım “əlbəttə” deyərək, bilmədiyimiz üçün sanki bizi qınaq atəşinə tutdu. Kassadan biletin 35 manat deyil, 35 manat 50 qəpik olduğu da bildirildi. 50 qəpik elə də böyük məbləğ deyil düşüncəsilə hərəkət etmədim. Axı hər gün informasiyanın içində olan biri kimi niyə aldanmalıyam?


Kassir xanım bir nəfər üçün əlavə 50 qəpiyi biletin əvvəldən satışına görə rəhbərlik tərəfindən müəyyən olunduğu üçün alındığını dedi. Biletin üzərində isə əlavə satış üçün 20 qəpik göstərilmişdi. İlk baxışda çox cüzi görünən məbləğ çoxsaylı sərnişinin bilet almasından sonra kifayət qədər böyük məbləğə çevrilirdi. Etirazımı bildirəndə isə özünü ağıllı sayan nisbətən yaşlı kassir xanım “çörəyi 50 qəpik etdilər, səsiniz çıxmadı, o boyda yola görə alınan 50 qəpiyə danışırsız?” deyərək öz aləmində məni susdurdu.

Əlqərəz vaxt yetişdi, Bakıdan Batumiyə yola düşmək üçün Beynəxalq Avtovağzala gəldik. Dövlət Avtomobil Nəqliyyatı Xidmətinin mətbuat katibi Şəfa Mehmanqızının  jurnalistlərlə keçirdiyi mətbuat konfransının da iştirakçısı oldum. Hətta AZƏRTAC-a sərnişin olaraq razılıq müsahibəsi də verdim.

Yerimizi ikimərtəbəli avtobusda təzəcə hazırlamışdıq ki, başqa şəxslərin də eyni yerə biletli olduğunu öyrəndik. Sən demə bizim yerimiz 18:00 deyil, 18:10-da Bakıdan çıxacaq avtobusa imiş. Kassir xanımın dediyi kimi komfortlu, ikimərtəbəli avtobusa deyil, bildiyimiz adi birmərtəbəli avtobusa. Nə isə səsimizi çıxarmadan suyu süzülə-süzülə ikimərtəbəlidən düşüb, adi avtobusa minərək Batumiyə doğru hərəkət etdik.

 

5 nəfərə satılan bir bilet...


Avtobus Batumiyə səhər saat 09:00-da çatmalı olsa da 11:00-da özünü güclə avtovağzala yetirdi...


Nəhayət haqqında az qala əfsanələr dolaşan, qiymətlərinin ucuzluğundan dilə-ağıza sığışmayan söhbətləri edilən, əsrarəngiz Batumiyə çatırıq. Bura qədər olanlar “jurnal” imiş. “Kino” Batumidə çəkildi...

 

Avtovağzalda düşən kimi qayıdış biletimizi aldıq ki, çətinlik yaranmasın. Beləcə, Bakıda 35 manat 50 qəpiyə aldığımız bileti Batumi avtovağzalında bizə 55 manata satdılar. Burda isə gürcü kassir yarırus, yarı öz dilində avtobusun ikimərtəbəli olduğuna bizi əmin etdi. Amma gürcü kassirdən aldığımız biletin başqasına satılmadığını dəqiqləşdirməsini xahiş etdik. Məlum oldu ki, bizim 5 dəqiqə əvvəl Batumi avtovağzalında aldığımız 43, 44, 45, 46-cı yerlərin bileti Kabuletidə başqa şəxslərə də satılıb. Biletimizi dəyişməli olduq...


Amma qayıdış günü daha acınacaqlı sürpriz bizi gözləyirmiş. Avtobusa minib ikinci mərtəbəyə qalxmışdıq ki, uşaqları yerlərində oturdaq, baxdım həmin yerdə başqaları əyləşib. “Bu necə ola bilər”, deyə səslənəndə sərnişinlər təbəssümlə “sizə də 43, 44, 45, 46-ya bilet satıblar?” deyə soruşdular. Sən demə eyni yer üçün nə az, nə çox düz 5 ayrı-ayrı sərnişinə bilet satılıb. Maraqlıdır, bunun adı işini bilməməkdirmi, yoxsa bilərək pul silməkmi?

Etirazdan sonra sürücü və köməkçisi heç bir problemin olmadığını bildirərək, bizə başqa yer göstərdilər. Avtobus yola düşəndə anladıq ki, wi-fi ümumiyyətlə işləmir, yolboyu uşaqlar üçün çay istəsək də, hər dəfə “10 dəqiqəyə hazır olar” deyərək, yalnız  2 saatdan sonra polis görmüş sürücünün rəngini xatırladan çay verdilər. Sanitar qovşağın qapısı isə açılmadı. Uşağa-böyüyə, tualetə getmək istəyənə, ürəyi bulanana “növbəti dayanacağa kimi dözün saxlayacağıq” deyərək kifayətləndilər.

Bir sözlə Bakıya qayıdış əsl məşəqqət oldu. Səhər saat 10:00-da Batumidən yola düşməli olan avtobus 11:00-da hərəkət etməyə başladı. Bakıya çatma vaxtı gecə saat 1-2 arası olacağı deyilsə də, səhər saat 06:00-dək yol gəldik... Bu gecikmənin səbəbi isə avtobus səlahiyyətliləri deyil, Gömrük Komitəsinin “Sınıq Körpü” postunda yaradılan süni sıxlıq idi (buna əvvəlki yazıda toxunmuşduq).


Beləcə, ikimərtəbəli avtobus sayəsində əsl “komfort”un nə olduğunu bir daha görməmək şərtilə gördük...

 

Rəsmi qurum problemlərə aydınlıq gətirir


Bakıya çatandan sonra yaşadığımız problemləri Dövlət Avtomobil Nəqliyyatı Xidmətinin səlahiyyətlilərinin diqqətinə çatdırdıq. Qurumun mətbuat xidmətindən Modern.az-a bildirdilər ki, öncədən satış üçün hətta online biletə görə də müəyyən faiz tutulur:

“Daxili reyslər üçün 20 qəpik, beynəlxalq reyslər üçün isə əlavə 50 qəpik hesablanır. Wi-fi sistemi isə Gürcüstan ərazisinə qədər işləyir. Sərhəddi keçdikdən sonra Azercell tutmur. Bu isə Azercell-in xidmətidir”.

Sanitar qovşaq məsələsinə gəlincə, qurumdan bildirdilər ki, bu xidmətdən hər dəqiqə istifadə etmək mümkün deyil:

“Avtobus təyyarə kimi deyil. Yəni hər dəqiqə açıb təmizlənməsi çətin olduğundan avtobus həmin yerdən 30 kilometr aralanmalıdır. Həmçinin bu, müəyyən dayanacaqlarda mümkündür.

Gömrükdə avtobusların saatlarla gözlədilməsi isə həmin qurumun səlahiyyətində olan məsələdir”.

Sərnişinin ikimərtəbəli avtobus əvəzinə başqa bir avtobusda yerləşdirilməsinə gəlincə, qurumdan tələbat olduğu üçün əlavə reys açıldığını əsas gətirdilər.

 

P.S. Azərbaycanlıların dastanlara sığdıra bilmədiyi Batumi təəssüratlarını başqa bir yazıda oxuyacaqsınız...

 

 

Gülşən RAUFQIZI

 

 

 


Şərh yaz

Bu kateqoriyadan olan xəbərlər
SON XƏBƏR
26.02.2017, 00:17

Yerevanın növbəti Qarabağ TƏXRİBATI Məqsəd NƏDİR?

26.02.2017, 00:12

Piyadalara hücum edən silahlı sürücü güllələnib

26.02.2017, 00:00

Xocalı soyqırımından 25 il ötür

25.02.2017, 23:35

8 PKK terrorçusu məhv edilib

25.02.2017, 23:16

Koreya liderinin qardaşını öldürən qadına 90 dollar verilib

25.02.2017, 23:14

Ermənistan Azərbaycanın hərbi potensialından qorxuya DÜŞDÜ  

25.02.2017, 23:09

Səfir: “Çox az adam həmin gecədən sağ qaldı ki, o qanlı tarixə şahidlik etsin”  

25.02.2017, 23:00

Kərkükdə neft quyusu partladılıb

25.02.2017, 22:44

Ölkəyə gizli yolla 18 min dollar gətirmək istəyi baş tutmadı

25.02.2017, 22:29

Jurnalist reportajdan sonra minaya düşüb öldü - Video  

25.02.2017, 22:13

Ermənistan səfirliyi qarşısında aksiya - Video

25.02.2017, 21:55

Gəncə sakini alnından bıçaqlanıb

25.02.2017, 21:41

Yük maşını maksimum sürətindən daha artıq sürətlə "radara düşüb" - Video

25.02.2017, 21:27

“Buradan heç yerə gedən deyilik” – Ağdam sakini, Video

25.02.2017, 21:14

Məhsullarımız ilk dəfə “Gulfood 2017” sərgisində

25.02.2017, 20:57

Təxribata yol verən erməni idmançı ilə müqavilə pozulub

25.02.2017, 20:39

"Bu təxribatlar ermənilərin ənənəvi, köhnə taktikalarıdır"

25.02.2017, 20:30

Saxta viza hazırlayan axtarışa verildi

25.02.2017, 20:20

Məktəblilər Bakıda "Xocalı fləşmobu" göstərdilər - FOTOLAR  

25.02.2017, 20:16

Gölün daşması nəticəsində Aşağı Güzdəkdə evləri su basıb

25.02.2017, 20:09

Cocuq Mərcanlıda mərmi və raket gilizi aşkarlanıb

25.02.2017, 20:00

“Hərbi təxribatlar Ermənistan üçün əsas alətə çevrilib" – Bahar Muradova

25.02.2017, 19:01

“Bu qanunsuz "referendum" kimi siyasi təxribatlarının davamıdır” - XİN

25.02.2017, 18:15

Ordumuz düşmənin atəş nöqtəsi və uçuş aparatını məhv edib - VİDEO

25.02.2017, 17:55

Ohanyan: "Ermənistanı ciddi bədbəxtlik gözləyir"

25.02.2017, 17:31

Berlində Xocalı soyqırımının 25-ci ildönümü anılıb

25.02.2017, 17:09

Qarabağdakı döyüşlərlə bağlı mediaya XƏBƏRDARLIQ

25.02.2017, 16:50

Məşhur ekspert cəbhədəki vəziyyət HAQDA: “Qarabağda müharibə qaçılmazdır”

25.02.2017, 16:30

Avstraliyanın Melburn şəhərində Xocalı şəhidləri anıldı – FOTOLAR

25.02.2017, 16:12

Nazir: "Xudafərin kəndi ermənilər tərəfindən tamamilə dağıdılıb"

25.02.2017, 15:54

Şoyqu: "Beynəlxalq Ordu Oyunlarından biri Azərbaycanda keçiriləcək"

25.02.2017, 15:42

Sevgilər qanadlanmayanda    

25.02.2017, 15:26

ABŞ “Orion” kosmik gəmilərini sınaqdan keçirəcək

25.02.2017, 15:05

Novruz Məmmədov: Erməni tarixi soyqırımı damğasını daim daşıyacaq

25.02.2017, 14:56

Gədəbəy sakini özünü GÜLLƏLƏDİ

ARXİV
SORĞU
“Hansı din xadiminə, dini ekspert və ya ilahiyyatçıya inanırsınız?”
Şeyxülislam Allahşükür Paşazadə(0.26%)
Hacı Sabir Həsənli(0.17%)
Hacı Fuad Nurullayev(0.01%)
Vasim Məmmədəliyev(0.27%)
Rafiq Əliyev(0.11%)
Hacı İlqar İbrahimoğlu(40.7%)
Hacı Şahin Həsənli(55.4%)
Elşad Miri(3.03%)