Daxili İşlər Nazirliyi (DİN) paytaxtın müxtəlif yerlərində baş verən oğurluq faktarı ilə bağlı məlumat yayıb.
DİN-nin mətbuat xidmətindən Modern.az-a verilən məlumata görə Baş Cinayət Axtarışı İdarəsi və Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində ötən il mayın 31-də rayon sakini Elmira Əhmədovaya məxsus evdən 4800 manat dəyərində qızıl əşyalar və mobil telefon oğurlamaqda şübhəli bilinən Şəmkir rayon sakini Zahid Səfərov tutulub.
Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində isə cari il yanvarın 26-da və iyulun 14-də Bakı şəhər sakinləri Yusif Quliyevə və Şərəfnisə Hadıyevaya məxsus evlərdən pul, qızıl və məişət əşyaları oğurlamaqda şübhəli bilinən paytaxt sakini Ağaəmi Abbasov tutulub.
Gülşən RAUFQIZI