İyulun 15-də Türkiyədə baş vermiş dövlət çevrilişinə cəhd zamanı Fətullahçı Terror Təşkilatı (FETO) üzvlərinin açdığı atəş nəticəsində şəhid olan gizir Ömər Halisdemirin heykəli ucaldılıb.
Modern.az xarici KİV-ə istinadən xəbər verir ki, heykəl Mersinin müxalif Milliyyətçi Hərəkat Partiyasından(MHP) olan Toroslar rayon bələdiyyəsinin sədri Hamit Tunanın şəhid Ömər Halisdemirin adını əbədiləşdirmək üçün verdiyi təlimat əsasında hazırlanıb. Heykəl Mersinin Şəhidlər parkında ucaldılacaq.
Abidənin açılışı avqustun 30-da olacaq.
Qeyd edək ki, heykəl 1 heykəltəraş və 2 köməkçisi tərəfindən13 günə tamamlanıb. Abidənin ümumi hündürlüyü 4.6 metrdir.
Mirmahmud KAZIMOĞLU