Modern.az

Göyçayda təmir sexi külə döndü

Göyçayda təmir sexi külə döndü

28 Avqust 2016, 23:02

Göyçay rayonunda yanğın hadisəsi baş verib. Modern.az saytı xəbər verir ki, APA-nın məlumatına görə, hadisə bu gün axşam saat 21:30 radələrində Göyçay şəhərində qeydə alınıb.

 

Rayon sakini Əhmədov Habil Xalid oğluna məxsus avtomobil təmiri sexində baş verən yanğının söndürülməsi üçün əraziyə FHN-nin Göyçay Dövlət Yanğından Mühafizə Hissəsinin 3 avtomobili və canlı qüvvəsi cəlb edilib. Hadisə zamanı ümumi sahəsi 52 kvadratmetr olan təmir sexi tamamilə yanaraq külə dönüb.

 

Hadisə zamanı təmir sexində olan və rayon sakini Qədirli Fəxri Rüfət oğluna məxsus 61-BA-626 dövlət nömrə nişanlı “VAZ 2106” markalı minik avtomobili, eləcə də oradakı kompressor hava aparatı və digər ləvazimatlar yanaraq yararsız ala düşüb. Hadisənin hansı səbədən baş verdiyi hələ ki, məlum deyil. Yanğın bazar günü baş verdiyi üçün təmir sexində işləyən olmayıb.

 

Faktla bağlı araşdırma aparılır.  

 

 

Modern.az

Twitter
Sizə yeni tvit var
Keçid et
Sevastopolda Rusiyaya məxsus daha bir SU-35 vurulub