Birləşmiş Millətlər Təşkilatının (BMT) baş katibi vəzifəsi uğrunda 10 namizəd mübarizə aparır.
Modern.az xarici KİV-ə istinadən xəbər verir ki, bu gün BMT-nin baş katibi postu uğrunda səsvermənin 3-cü mərhələsi keçirilib. Səsvermə BMT Təhlükəsizlik Şurasında keçirilib.
Portuqaliyanın keçmiş baş naziri Antoniu Qutyerreş seçkilərin üçüncü turunda qalib gəlib. Onun 11 lehinə, əleyhinə isə 3 səs verilib.
Səsvermənin nəticəsinə əsasən, ikinci yeri Slovakiyanın XİN rəhbəri Miroslav Layçak, üçüncü yeri isə Sloveniyanın sabiq prezidenti Danilo Turku tutub.
Qeyd edək ki, BMT-nin hazırkı baş katibi Pan Gi Munun səlahiyyət müddəti bu il dekabrın 31-də başa çatır.
Mirmahmud KAZIMOĞLU
