"Azərbaycan Hava Yolları” (AZAL) Qurban bayramına həsr olunmuş yeni payız aksiyasına başladığını elan edir.
AZAL-ın mətbuat xidmətindən Modern.az-a verilən məlumata görə, sentyabrın 5-dən 30-na kimi hər iki istiqamətə aviabilet alan sərnişinlərə 20% endirim tətbiq ediləcək.
Endirimlər Bakıdan/Bakıya - London, Milan, Berlin, Paris, Praqa və Nyu-York (uçuş dövrü: 15 sentyabr - 10 dekabr, 2016-cı il) istiqamətləri üzrə nəzərdə tutulub.
Bundan başqa, Bakı – Təl-Əviv - Bakı istiqaməti üzrə uçuş dövrü sentyabrın 15-dən 25-dək və oktyabrın 25-dən dekabrın 10-dək olan aviabiletlərə 20% endirim tətbiq olunur.
Aviabiletləri şirkətin www.azal.az saytında bronlaşdırmaq və ya AZAL-ın kassalarında, həmçinin aviaşirkətin rəsmi agentliklərində əldə etmək mümkündür.
Gülşən RAUFQIZI