2011-2012-ci tədris ili üçün ali məktəblərin magistratura pilləsinə qəbul imtahanının I mərhələsində iştirak etmək üçün sənəd qəbulu başa çatıb.

Tələbə Qəbulu üzrə Dövlət Komitəsinin (TQDK) mətbuat xidmətinin rəhbəri Elnur Nağızadə Modern.az-a məlumatında bildirib ki, fevralın 7-də saat 17.00-da magistratura imtahanlarında iştirak etmək istəyən bakalavrlardan ərizə qəbulu yekunlaşıb. TQDK rəsmisi deyib ki, ilkin məlumata görə, 16 min 496 bakalavrın ərizəsi təsdiqlənib.    

Magistraturaya qəbul imtahanına ərizə qəbulu 2011-ci il yanvarın 25-dən başlayıb fevralın 7-də saat 17.00-da başa çatıb. Qəbul imtahanının I mərhələsi 2011-ci il fevralın 20-də keçiriləcək. Qəbul qaydalarına uyğun olaraq imtahanın birinci mərhələsində bakalavrların ümumi intellekt səviyyəsi (məntiqi təfəkkür), xarici dil və informatika fənni üzrə bilikləri yoxlanılacaq.

Mail Ağaxanov