Bakının Qaradağ rayonunda yerləşən 127 saylı məktəbdə baş vermiş insidentlə bağlı rəsmi açıqlama verilib. Bakı Şəhəri üzrə Təhsil İdarəsindən Modern.az-ın sorğusuna cavab olaraq bildirilib ki, hazırda araşdırma aparılır:
“Hazırda127 saylı məktəbin şagirdi Mustafa Muradov ilə sinif yoldaşı arasında baş verən mübahisə Bakı Şəhəri üzrə Təhsil İdarəsi tərəfindən araşdırılır. Məsələyə aydınlıq gətirildikdən dərhal sonra ictimaiyyətə açıqlama veriləcək”.
Qeyd edək ki, məktəbin direktoru Mərhəmət Məmmədovun Modern.az-a verdiyi məlumata görə, hadisə dərsdən sonra, məktəbin 11-ci sinif şagirdləri-Mustafa Muradov və Azad İsmayılov arasında baş verib.
Məlumata görə, Azadın nənəsi məktəbdə Azərbaycan dili-ədəbiyyat müəllimidir. Onun dərsində uşaqlar arasında narazılıq yaranıb. Sonra məktəbdən kənarda dalaşıblar.
Azad İsmayılov Mustafa Muradovu döyərək, onu xəstəxanalıq edib.
Gülşən RAUFQIZI
