Ermənistan prezidenti Serj Sarkisyan hökumətə yeni təyinatlar edib.
Modern.az erməni KİV-nə istinadən xəbər verir ki, bu barədə məlumat Ermənistan prezidentinin mətbuat xidmətindən verilib.
Ermənistan prezidenti Serj Sarkisyanın fərmanları ilə Vardan Aramyan yeni maliyyə naziri, Vaan Martirosyan yeni nəqliyyat və rabitə naziri, İqnati Arakelyan yeni kənd təsərrüfatı naziri, Aşot Manukyan isə yeni energetika və təbii sərvətlər naziri təyin olunub.
Aleksan Arutyunyan Prezident Administrasiyasının rəhbərinin müavini təyin edilib.
Qeyd edək ki, Aleksan Arutyunyan Ermənistanın Argentina, Uruqvay, Peru və Çilidə Fövqəladə və səlahiyyətli səfiri olub.
Mirmahmud KAZIMOĞLU
