“Sentyabrın 26-da keçiriləcək referendumda 34 ölkədən 90 beynəlxalq müşahidəçi Mərkəzi Seçki Komissiyasından (MSK) müşahidəçi qeydiyyatdan keçərək qeydiyyata alınıb.”.
Bubarədə Modern.az-a açıqlamasında Mərkəzi Seçki Komissiyasının mətbuat katibi Şahin Əsədli məlumat verib.
Ş.Əsədli bildirib ki, qeydiyyatdan keçən beynəlxalq müşahidəçilər arasında xarici jurnalistlər, beynəlxalq təşkilatlar və xarici siyasi partiyaların nümayəndələri olacaq:
“90 beynəlxalq müşahidəçilərin içərisində əsasən AŞPA, ATƏT kimi beynəlxalq təşkilatların nümayəndələri, xarici jurnalistlər və digər qurumlardan müşahidəçilər Azərbaycanda referendumu izləyəcəklər”.
Ş.Əsədli referndumda iştirak edəcək yerli müşahidəçilərin də sayını açıqlayıb: “Seçki prosesini izləmək üçün 53300 yerli müşahidəçi qeydiyyata alınıb. Bunlardan 1097-si MSK-da, qalanları isə Dairə Seçki Komissiyalarında qeydiyyatdan keçib".
Xatırladaq ki, 26 sentyabrda Azərbaycanda Konstitusiya dəyişikləri ilə bağlı Referendum(Ümumxalq səsverməsi) keçiriləcək.
Referendumda Konstitusiyanın 22 maddəsinə 44 dəyişikliyin edilməsi nəzərdə tutulur.
Ağa AKİFOĞLU