Federal Ehtiyatlar Sistemi uçot dərəcəsini dəyişməyib. Modern.az saytı xarici mediaya istinadən xəbər verir ki, uçot dərəcəsi 0,25-0,5 faiz səviyyəsində qalıb.
ABŞ-ın Federal Ehtiyatlar sisteminin direktoru Canet Yellen isə mətbuat konfransında bildirib ki, uçot dərəcəsi ilin sonunadək artırıla bilər: “Uçot dərəcəsinin artırılmasına əsaslar güclənsə də, FED iqtisadiyyatın, o cümlədən əmək bazarının möhkəmlənməsinə dair məlumatları gözləməyə üstünlük verir. Hesab edirəm ki, uçot dərəcəsinin artırılmasına arqumentlər mövcuddur, lakin hələ ki gözləməyə qərar verdik”.
Qeyd edək ki, ötən ilin dekabrın 16-da FED uçot dərəcəsinin baza dərəcəsini illik 0,25% artırıb. Bundan sonra keçirilən iclaslarda uçot dərəcəsi dəyişdirilməyib.
Modern.az
