İran İslam Respublikasının ali dini lideri Əli Xameneyi Mahmud Əhmədinejata 3 dəfə prezidentliyə namizədliyini irəli sürməsini qadağan edib.
Modern.az İran KİV-nə istinadən xəbər verir ki, bu barədə ayətullah Əli Xameneyi şəxsən danışıb.
“O, məsləhət üçün yanıma gəldi və mən ona seçkilərə getməməyi məsləhət bildim. Bu nə onun, nə də ki, İran xalqının maraqlarındadır. O, cəmiyyəti parçalayacaq və hamımıza ciddi zərər verəcək”.
Ekspertlərin fikrincə, dini liderin bu qərarı hazırki dövlət başçısı Həsən Ruhaninin 2-ci müddətə prezident seçilməsi şanslarını əhəmiyyətli dərəcədə artıracaq.
Vüqar İSMAYILOV
