Gürcüstanın keçmiş baş naziri, milyarder və bu ölkənin hakim partiyasının qeyri-formal lideri Bidzina İvanişvili Abxaziya ilə münasibətləri bərpa etmək üçün yollar axtarır.
Modern.az saytı xarici mediaya istinadən xəbər verir ki, o, bu məqsədlə Abxaziyada infrastuktur layihələrini həyata keçirmək niyyətindədir.
“Bu gün Qanmuxridə tikinti başlayır. Orada investisiya fondunun maliyyələşdirməsi hesabına ən yüksək dərəcəli mehmanxana inşa olunacaq. Mehmanxananın arxa tərəfində isə botanika bağı salınacaq. Bu layihəni “Kartu” fondu maliyyələşdirəcək” -, deyə Bidzina İvanişvili Şərqi Gürcüstanın Kvemo Kartli regionunda jurnalistlərə deyib.
Keçmiş baş nazirin sözlərinə görə, bu işlərdən əldə olunan gəlir yerli infrastukturun inkişafına xərclənəcək.
“Mən bununla bizim münasibətlərimizin bərpasına öz borcumu vermək istədim. Münasibətlərin bərpası üçün müəyyən əsas yaranıb”, - İvanişvili vurğulayıb.
O, ideyanı Abxaziya tərəfə çatdırmağa cəhd olunduğunu da deyib: “Mənə məlum olduğuna görə, hələ ki bu məsələni razılaşdırmaq mümkün olmayıb, ancaq təklif o dərəcədə humanitar və dostacasınadır ki, düşünürəm buna pozitivdən başqa qiymət verilməsi gözlənilmir”, - keçmiş baş nazir söyləyib.
Modern.az
