“Taliban” hərəkatının Əfqanıstanın Gilmend əyalətindəki həbsxanasında saxlanılan 100-dən çox adam azad edilib. Modern.az xarici mediaya istinadən xəbər verir ki, azad edilənlər arasında dinc sakinlərlə yanaşı, təhlükəsizlik xidmətinin əməkdaşları da var.
Əyaləthökumətinin nümayəndəsi Omar Zavakın verdiyi məlumata görə, xüsusi qüvvələr hücumlıa həbsxananı ələ keçirərək orada saxlanılan 101 nəfəri xilas edib.
“Taliban” həmin şəxsləri hakimiyyəti dəstəkləməkdə qınayaraq saxlayırdı.
Gilmendin paytaxtı Laşkarqah Kabuldan 555 kilometr aralıda yerləşir. Bu region Əfqanıstandakı talibançıların üç ildir mübarizə apardığı yerdir.
Modern.az
