Bu gün səhər Tehrandakı İmam Homeyni adına beynəlxalq hava limanında iki təyyarə toqquşub.
Modern.az xarici mediaya istinadən xəbər verir ki, ilkin məlumata görə, bu, təyyarələrin uçuş-enmə zolağında hərəkəti zamanı olub.
Hadisə zamanı xəsarət alanlarla bağlı informasiya verilmir. Toqquşan təyyarələrə gəldikdə, bunlar İran Air hava şirkətinin Airbus A310 və digər İran daşıyıcısı Mahan Air-in hava gəmiləridir.
Toqquşma zamanı təyyarələrdən biri ciddi zədələndiyindən havaya qalxa bilməyəcək. Digər təyyarənin isə korpusunun arxa hissəsi zədələnib.
Modern.az
