“Şimon Peresin vəfatı ilə bağlı İsrailə getməyəcəm. Hələ ki, belə məsələ gündəmdə deyil. Əgər dövlət tərəfindən İsrailə belə bir səfər təşkil olunarsa, o zaman dostluq qrupunun rəhbəri kimi başsağlığına gedərəm”.
Bunu Modern.az-a açıqlamasında Azərbaycan-İsrail parlamentlərarası əlaqələr üzrə işçi qrupunun rəhbəri Yevda Abramov deyib.
Deputat İsrailin sabiq prezidenti Şimon Peresin ölümünə üzüldüyünü də bildirib.
“Şimon Peresin vəfatına çox üzüldüm. Azərbaycan-İsrail dostluq qrupunun rəhbəri olaraq, mərhumun vəfatı ilə bağlı İsrailin Azərbaycandakı səfirliyinə baş çəkəcəyəm. Xatirə dəftərinə ürək sözlərimi yazacağam”.
Qeyd edək ki, eks-prezident Şimon Peres 94 yaşında insultdan vəfat edib.
Namidə BİNGÖL
