Oktyabrın 31-də Bakının Nizami rayonu Naxçıvanski küçəsi, 34 ünvanında yeni beşmərtəbəli, 45 mənzilli yaşayış binası istifadəyə verilib. Modern.az-ın məlumatına görə, bu barədə Fövqəladə Hallar Nazirliyinin mətbuat xidmətindən xəbər verilib.
Xatırladaq ki, 2008-ci ilin 13 dekabrında bu ünvanda yerləşən yaşayış binasında qaz sızması nəticəsində partlayış baş vermiş, nəticədə 3 nəfər həlak olmuş, 2 nəfər yaralanmış və bina yaşayış üçün yararsız hala düşmüşdü.
Nazirlər Kabinetinin müvafiq sərəncamına əsasən, həmin binanın sakinləri üçün Fövqəladə Hallar Nazirliyinin sifarişi ilə 9 ay ərzində yeni yaşayış binası tikilib.
Binanın açılış mərasimində fövqəladə hallar nazirinin müavini Orucəli Hacıyev, Nizami rayon İcra Hakimiyyətinin nümayəndələri və sakinlər iştirak ediblər.