Estoniyanın Postimees Grupp nəşrlər evi oktyabr ayından sonuncu rusdilli qəzetlərin -“Gündən-günə” və “Rus dilində Postimees”in çapını dayandıracaq. Modern.az-ın xarici mediaya istinadən verdiyi xəbərə görə, nəşrlər evinin idarə heyətinin sədri Peed Kala bunun səbəbini bu qəzetlərin Estoniyada sürətli şəkildə oxucularını və reklam verənləri itirməsi ilə izah edib.
İnternetdə isə bunun əksi müşahidə olunduğundan onlayn-versiyadan istifadə qərarına gəlinib.
“Rus dilində Postimees”in sonuncu sayı sentyabrın 29-da çap olunub. Oxucular “Gündən günə”nin son sayını isə oktyabrın 1-də ala biləcəklər.
Bütün abunəçilərə ala bilmədikləri nömrələrin pulu geri qaytarılacaq.
Avqustun 26-da Tallin dairə məhkəməsi “Estoniya ru məktəbi” təşkilatının idarə heyətinin üzvlərinin apelyasiya şikayətini rədd edərək iki məktəbdə rus dilinin tədrisi ilə bağlı qadağanı qüvvədə saxlayıb.
Modern.az