21 oktyabr 2017, Şənbə
Ana Səhifə - REPORTAJ - İki bacının tək qardaşı - “Kamransız bütün tifağımız dağılıb” - Şəhid HEKAYƏTİ
İki bacının tək qardaşı - “Kamransız bütün tifağımız dağılıb” - Şəhid HEKAYƏTİ +
12.10.2016, 12:22

Vətənin qibləgah edən şəhidlər – XXXVIII


Bir mavi gözlü Kamran var idi…

“…Gəncəyə oğlumun andiçmə mərasiminə getmişdik.  Ondan ayrılıb gələndə bir külək qopdu ki, gəl görəsən…  Bəzən  təbiətdə belə olur…Külək əsir, əlindəki nəyicə güclə alıb aparır… Aparmır  … qoparır səndən… Ulayır, hayqırır, aləmi dağıdır külək… Həmin gün də elə idi…  O küləkdən yaman qorxdum, sanki içimdə nəsə qırıldı. Öz-özümə dedim ki, görəsən bu nə külək idi əsdi belə?..  O gündən ürəyimdə bir qorxu gəzdirirdim. Hərdən fikirləşirdim ki, birdən bu ayrılıq küləyi olar.  Elə bil nəyisə qopramışdı o külək məndən…”.

Bu sözləri aprelin 5-də Tərtərdə Talış yüksəkliyində erməni təxribatının qarşısını alarkən şəhid olmuş əsgər Kamran Şirəliyevin anası Elvira xanım deyir.

Sən mənim bir dinarım,
Bir axçam, bir dinarım.
Amandır əsmə külək,
Salarsan birdi narım!.


Modern.az saytı “Aprel şəhidləri” silsiləsindən növbəti həyat hekayətini təqdim edir.

Şəhid anasının dediklərindən:

“Dədə- babadan elə bu Mərdəkan kəndinidə yaşayırıq. Üç övladımız olmuşdu, qızlarım Məsmə və Aysel Kamrandan böyükdürlər. Kamran 1994-cü ildə fevral ayının 28-də doğulmuşdu.  Mərdəkandakı Hacı Zeynalabdin Tağıyev adına məktəbin 9-cu sinfini bitirəndən sonra,  Texniki Peşə Liseyinə getdi. Orda  tarktorçuluq peşəsini öyrəndi. Heç boş dayanmağı sevməzdi.  Gah usta yanında işlədi, gah quşçuluq fabrikində... Fikri-zikri o idi ki, ata-anasına kömək etsin,  gözə görünən  evimiz olsun. Aylıq maaşını alan kimi, evin əyər-əysiyini alıb gətirirdi ki, təmirə başlayacaq.  Ən böyük arzusu  evimizi təmirli görmək idi. Nə bilim vallah… o qədər arzuları var idi ki, balamın… Hansı birini deyim… 2015-ci ilin iyul ayının 7-də Kamranı Vətənə xidmət etməyə yola saldqıq…



Atası da , mən də xəstəyəm. “Aprel  döyüşləri” başlayanda bizə heç xəbər verən olmadı. Ancaq iş yerində mənimlə işləyən rəfiqəm var, onun oğlu da ön cəbhədə idi.  Ana kimi o da narahat idi. Mən lap çox narahat oldum. Mənə dedi ki, “ay qız, sən niyə narahat olursan, sənin oğlun ki, arxa cəbhədədir”.  Analar hər şeyi hiss edərmiş… Ürəyim əsim-əsim əsirdi köksümdə.  Axırıncı dəfə  martın 29-da hamımızla danışdı. Kefi də yaxşı idi. Əsgərliyindən razılıq edirdi. Elə bil əsgər gedəndən sonra bir az da kişiləşmişdi. Arxayınlaşdım həmin gündən sonra.  Ancaq axırıncı dəfə aprelin 3-də zəng vurdu. Onda bizimlə az danışdı. Atası ilə isə danışanda son sözü bu oldu:

-Ata özündən muğayat ol!.

 Atası da qayıdıb dedi ki, “mən yox e… a bala, sən özündən muğayat ol”.

Heç bizi ön cəbhədə olmasından da agah eləmdi. Sən demə oğlum bizimlə vidalaşırmış”.




Beləcə, həmin axşam valideynləri, doğmaları son dəfə səsini eşidib, heç özləri də bilmədən  vidalaşıblar Kamran Şirəliyevlə. Kamran isə bilirdi ki, döyüşə gedir… Atasını dünyalar qədər istəyirdi, atası üçün həmişə nigaran idi, çünki bilirdi ki, atasının ürəyi xəstədir. Onu hər sözdən, xəbərdən qoruyurdu, onu ağır iş görməyə qoymurdu…

 
…Sonra  aprelin 5-i olacaqdı. Elvira xanım  iş yerində qərar tapmayacaq, gah tikişi düz vurmayacaq, gah  tikiş iynəsini qoyduğu yeri itirəcəkdi. Ancaq həyəcanı keçməyəcəkdi ki, keçməyəcəkdi. Ürəyi köksündə çırpınarkən, dərzi qızlardan biri,  administratorun otağında onu gözləyənlərin olduğunu deyib. Elvira qaçaraq, gözləyənlərin yanına gedir.  Tanımadığı adamlar əsgərlərdən danışırlar, sonra  deyirlər ki, “oğlunuz yaralıdır, hərbi hospitaldadır.  Evə gedin, indi evə gətirəcəklər…”.


Oğul yolu gözləyən analar bilər, bu sözün ağırlığını, yükünü, ağrısını. Elvira xanım özünü itirməyib, “əgər hospitaldadırsa, məni aparın da, evə niyə gətirirsiniz, onda deyin ki, oğlum yoxdur…” deyə bilib… sonra  onu  evlərinə gətiriblər.


Aprelin 5-dən 6-na kimi oğul yolu gözləyib Faiq Şirəliyevlə Elvira Şirəliyeva. Səhər saat 6-da  Kamranı gətiriblər. Mərdəkan küçələri belə izdiham görməmişdi.  Bütün kənd, Xəzər rayonu  şəhidini qarşılayırdı. Vətən ayaq üstə idi. Hamı Vətən uğrunda döyüşmək üçün and içdi: “Bu qan yerdə qalmayacaq”, “Şəhidlər ölməz, Vətən bölünməz!”.
Kamran Şirəliyevi Vətən torpağına əmanət edərkən tabutuna bükülmüş bayrağı atası Faiq Şirəliyevə verdilər. O da öpüb gözünün üstünə qoydu şanlı bayrağı.




- Əvvəl isti-isti idi. Gəlib-gedən də çox idi,- deyir Faiq Şirəliyev.
“İndi bu həyətdə hər  qarışda yeri görünür  Kamranımın. Arxam, dayağım idi. Atalarda bir söz var, oğulun öz yeri, qızın öz yeri. Kamransız bütün tifağım dağılıb. Mənim qocalığımda dayağım olacaqdı, kürəyimi ona söykəyəcəkdim. Özü də ailəcanlı, qeyrətli oğul idi.  Nə danışım… Hər gün onun söhbəti gedir bu evdə… Bacılarının üzünə baxa bilmirəm… Ovuda bilmirəm Məsmə ilə Ayselimi. Kamran sağ olanda anası da, mən də müalicə alırdıq, indi … daha  həkimlərə müraciət etmirik, harda qırılarsa, qırılsın…”.

       
Bacıları Məsmə və Ayseldən soruşuram qardaşları Kamranı. İki bacının gözləri yenə bulağa dönür, göz yaşaları yanaqlarından sinələrinə düzülür.

      
-  Qardaşımı heç unuduram ki… heç yaddan çıxır ki, onun kimi qardaş yox idi, – Məsmə danışır. Tez-tez gəlib qapımı açırdı, oğlumu sevindirirdi. Axırıncı dəfə  dayanacaqda görüşdüm, yola saldım onu. Dedi ki, “bacı, bax gör burda mənim kimi qəşəng oğlan var”. Sevinirdim qardaşıma görə, fəxr edirdim. Qardaşımın gözləri dəniz rəngində idi, dəniz kimi çılğın idi, həyatsevər idi. O bir kimsəni incitməmişdi. Bütün qonşuların, dostların harayına çatırdı. At üstünə minəndə cəngavərə bənzəyirdi. Öz atı var idi, minəndə deyirdi ki, bu at məni muradıma çatdıracaq. Muradı gözündə qaldı qardaşımın. Nə yaşadı ki, adamın da 22 yaşında qardaşı ölər?! Kamran ölən gündən biz hamımız ölmüşük, indi onunla görüşəcəyimiz günü gözləyirəm. Əlimdən nə gəlir ki…

Gəmi gəldi yan oldu,
Gecə keçdi, dan oldu.
Qardaşım  vaxtsız öldü,
Ürəyim al qan oldu.

Aysel də qardaşından danışdı. Qolundakı bilərziyi göstərib dedi ki, ona qardaşından yadigar bir bu gümüş bilərzik qalıb. Bir də onu dedi ki, bu yerlərin adət-ənənələrinə görə qız-gəlinlər, kişilərlə əl verib görüşməzlər, lap qardaşları olsa belə, onu qucaqlayıb öpməzlər. İndi qardaşı ilə qucaqlaşıb-görüməməyi özünə bağışlamır. Elə istəyir ki, bircə dəfə qardaşının boynuna sarılıb, onun ətrini sinəsinə çəksin, qoxlasın doyunca:


- Mən qardaşımdan doymadım. Məsmə ərə gedəndən sonra, məbəxdə yemək süfrəsinə oturanda Kamran həmişə darıxırdı. Deyirdi ki, indi birimiz yoxuq. Çox istəyirdi Məsməni. Deyirdi ki, hər yerdə Məsmənin yeri görünür. İndi bax elə, özünün dediyi kimi, kimsə çatışmır, öyrəşmək olmur qardaşsızlığa, hər yerdə əllərinin izi, nişanəsi qalıb. Mənim qardaşımın toyu da olmadı, onun üçün xonşalar bağlamıdıq, onun üçün bu həyətdə “Vağzalı” çalınmadı...  barı bir dəfə əsgər paltarında görəydim, öyünəydim onunla... Əsgər paltarında  tabutunu gətirdilər Kamranımızın...


Əziziyəm dadı var,
Yaman şirin dadı var.
Yüz igid arasında,
Qardaşımın adı var.

Hərbi hissəyə yetişəndən sonra Kamran bir vərəqə qayıdacağı tarixi də qeyd etmişdi:   08.07.2015- 01.01.2017



Kamran həyatsevər idi, dənizi sevirdi, atları sevirdi, təbiəti sevirdi. Əsgərliyə gedəndə Xəzərin sahilində atı ilə son yürüşünü etmişdi.  Elə bilirdi ki, qayıdacaq... Kamranın atı onu arzularına çatdırmadı...

P.S. Bizim şəhidlərimiz  1992-ci ildən bəri Vətənimizin azadlığı uğrunda qan tökürlər, baş daşlarına dönüb  məzarlıqlarda bitirlər. Onların qəhrəmanlıq tarixlərini unutmayın, onları hər gün yad edin, bizim Şərəf tariximizdirlər. Onların  bu qanlı mübarizələrini 14 əsr sonra da yaşatmağı bacarın. Azərbaycan, azərbaycançılıq, türkçülüyümüz, torpaqlarımız  uğrunda şəhid olanlarımızı unutmayın. Onların müsibəti Kərbəla müsibətindən də qanlıdır, faciəlidir. Qəhrəmanlıqlarla dolu azərbaycançılıq, türkçülük tariximizi gələcəyə daşıyın.


Aida Eyvazlı


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Allahın 99 ADI - İlahiyyatçı: “O adlar insana bir şərtə qoyula bilər, əks halda böyük GÜNAHDIR”   
21.10.2017, 10:36

Allahın 99 ADI - İlahiyyatçı: “O adlar insana bir şərtə qoyula bilər, əks halda böyük GÜNAHDIR”  

Universitetlərin hazırlıq qrupuna qəbul proseduru - Təhsil eksperti ŞƏRH ETDİ   
21.10.2017, 10:23

Universitetlərin hazırlıq qrupuna qəbul proseduru - Təhsil eksperti ŞƏRH ETDİ  

YAP da mitinq keçirəcək?..   
21.10.2017, 10:04

YAP da mitinq keçirəcək?..  

“Cəzaların yüngülləşdirildiyini vurğulamaq doğru yanaşma deyil”   
21.10.2017, 10:01

“Cəzaların yüngülləşdirildiyini vurğulamaq doğru yanaşma deyil”  

Pensiyaların artımı üçün ayrılacaq vəsaitin həcmi məlum oldu   
21.10.2017, 09:52

Pensiyaların artımı üçün ayrılacaq vəsaitin həcmi məlum oldu  

Ermənistan atəşkəsi 126 dəfə pozdu
21.10.2017, 09:48

Ermənistan atəşkəsi 126 dəfə pozdu

Xarabaya çevrilən, paltarları göz yaşları ilə toza bulaşanların şəhərindən REPORTAJ - FOTOLAR
21.10.2017, 09:30

Xarabaya çevrilən, paltarları göz yaşları ilə toza bulaşanların şəhərindən REPORTAJ - FOTOLAR

Əfqanıstandakı partlayışda ölənlərin sayı 72-yə çatdı - YENİLƏNİB
21.10.2017, 09:06

Əfqanıstandakı partlayışda ölənlərin sayı 72-yə çatdı - YENİLƏNİB

"İspaniya problemi demokratiyaya hörmətlə yanaşmaqla həll edəcək" - Kral
21.10.2017, 00:47

"İspaniya problemi demokratiyaya hörmətlə yanaşmaqla həll edəcək" - Kral

Misirdə 16 polis öldürüldü
21.10.2017, 00:31

Misirdə 16 polis öldürüldü

Braziliyada şagird məktəb yoldaşlarını güllələdi: 2 ölü
21.10.2017, 00:15

Braziliyada şagird məktəb yoldaşlarını güllələdi: 2 ölü

Azərbaycan nefti ucuzlaşdı
20.10.2017, 23:59

Azərbaycan nefti ucuzlaşdı

İtaliyada külli miqdarda narkotik müsadirə edildi
20.10.2017, 23:43

İtaliyada külli miqdarda narkotik müsadirə edildi

Azərbaycandan Rusiyaya aparılan 33 ton pomidor geri qaytarıldı
20.10.2017, 23:29

Azərbaycandan Rusiyaya aparılan 33 ton pomidor geri qaytarıldı

Ağsu məktəbliləri erkən evliliyin fəsadları ilə bağlı maarifləndiriləcək
20.10.2017, 23:19

Ağsu məktəbliləri erkən evliliyin fəsadları ilə bağlı maarifləndiriləcək

Bakıda Amerika təhsil sərgisi oldu - FOTO
20.10.2017, 23:06

Bakıda Amerika təhsil sərgisi oldu - FOTO

Şirin qazlı içkilər uşaqlarda sümük əriməsinə səbəb olur - VİDEO
20.10.2017, 22:46

Şirin qazlı içkilər uşaqlarda sümük əriməsinə səbəb olur - VİDEO

Şəmkirdəki qətlə qısqanclıq səbəb olub - Yenilənib
20.10.2017, 22:29

Şəmkirdəki qətlə qısqanclıq səbəb olub - Yenilənib

ATƏT Parlament Assamleyasının yeni prezidenti gürcü oldu
20.10.2017, 22:13

ATƏT Parlament Assamleyasının yeni prezidenti gürcü oldu

Rusiya helikopterləri terrorçuların bazasına endi
20.10.2017, 21:41

Rusiya helikopterləri terrorçuların bazasına endi

Borclu əvəzinə zaminin ölkədən çıxışına qadağa qoyuldu - VİDEO
20.10.2017, 21:25

Borclu əvəzinə zaminin ölkədən çıxışına qadağa qoyuldu - VİDEO

“Sən homoseksualsan...” - SSRİ rəssamlarının sərgisində XRUŞOVUN PARTLATDIĞI “BOMBA”
20.10.2017, 20:59

“Sən homoseksualsan...” - SSRİ rəssamlarının sərgisində XRUŞOVUN PARTLATDIĞI “BOMBA”

Əhvalınız xoş olacaq – ÇAYINIZA HİL ATIN
20.10.2017, 20:46

Əhvalınız xoş olacaq – ÇAYINIZA HİL ATIN

Xaçmazda məktəbli itkin düşüb
20.10.2017, 20:33

Xaçmazda məktəbli itkin düşüb

Ukraynada Azərbaycanın Müstəqillik Günü qeyd edildi - FOTOLAR
20.10.2017, 20:17

Ukraynada Azərbaycanın Müstəqillik Günü qeyd edildi - FOTOLAR

Silahlı insidentdə yaralanan soydaşımız süni tənəffüs aparatına qoşulub
20.10.2017, 19:51

Silahlı insidentdə yaralanan soydaşımız süni tənəffüs aparatına qoşulub

Yeni zenit-raket sistemlərinin döyüş hazırlığı yoxlanılıb
20.10.2017, 18:57

Yeni zenit-raket sistemlərinin döyüş hazırlığı yoxlanılıb

Gələn ildən abituriyentlər iki qrup üzrə qəbul imtahanı verə biləcək
20.10.2017, 18:45

Gələn ildən abituriyentlər iki qrup üzrə qəbul imtahanı verə biləcək

Ermənistan ordusu Qarabağda itki verdi
20.10.2017, 18:37

Ermənistan ordusu Qarabağda itki verdi

TANAP layihəsinə 500 milyon dollar kredit ayrıldı
20.10.2017, 18:22

TANAP layihəsinə 500 milyon dollar kredit ayrıldı

Moskvada ermənilərlə taciklər arasında kütləvi dava olub
20.10.2017, 18:11

Moskvada ermənilərlə taciklər arasında kütləvi dava olub

Bakıda Beynəlxalq Kulinariya günü qeyd olunub - FOTOLAR
20.10.2017, 18:05

Bakıda Beynəlxalq Kulinariya günü qeyd olunub - FOTOLAR

25 il ərzində 7000-ə yaxın azərbaycanlı ABŞ-da təhsil alıb
20.10.2017, 18:05

25 il ərzində 7000-ə yaxın azərbaycanlı ABŞ-da təhsil alıb

Azercell-dən “Hədsiz” İnternetlə və ilkin ödənişsiz iPhone8 əldə et!
20.10.2017, 17:56

Azercell-dən “Hədsiz” İnternetlə və ilkin ödənişsiz iPhone8 əldə et!

Sükan arxasında söhbət edənlər cərimələnəcək? - YOL POLİSİ MƏSƏLƏYƏ NÖQTƏ QOYDU
20.10.2017, 17:28

Sükan arxasında söhbət edənlər cərimələnəcək? - YOL POLİSİ MƏSƏLƏYƏ NÖQTƏ QOYDU

ARXİV
SORĞU
Hansı kommunal xidmətin işindən razısınız?
“Azəriqaz”(5.33%)
“Azərişıq”(26.6%)
“Azərsu”(10.6%)
“Azəristiliktəchizat”(2.91%)
Heç biri(54.3%)