Modern.az saytı oxuculara doktor Qüdrət Qəhrəmanovun tibbi məsləhətlərinin təqdimatına davam edir. Q.Qəhrəmanov 2005-də Azərbaycan Tibb Universitetini bitirib. Sonra 2 il Sankt-Peterburq Tibb Akademiyasında ümumi cərrahiyyə üzrə ordinatura keçib. Laporoskopik və endokrin cərrahiyyə üzrə Türkiyə Heydərpaşa Xəstəxanası, Ankara Ulus Dövlət Xəstəxanası, Hacettepe Universitetlərində kurslarda olub, müxtəlif cərrahi kongreslərdə iştirak edib. Hazırda Modern Hospitalda ümumi cərrahdır.


“Xərçəng hiyləgər xəstəlikdir. İlk mərhələlərdə xərçəng özünü demək olar heç bir simptomla büruzə vermir və ya bu simptomlar çox ümumi, az gözə çarpan olur.
Lakin xəstəliyinin məhz ilk mərhələlərdə aşkar olunması olduqca vacibdir. Bu uğurlu müalicənin əsas şərtidir.
Ağciyər xərçəngi dünyada ən tez rast gəlinən xərçəng növlərindən biridir. İldən ilə bütün dünyada bu xəstəliyin halları artır. Bu xəstəlik uzun müddət ərzində gizli inkişaf edir.
Sizə ağciyər xərçənginin 5 gizli simptomunu təqdim edirik:
- uzun müddət keçməyən öskürək, selikli və ya selikli-irinli bəlğəm
- döş qəfəsində ağrılar
- təngənəfəslik
- səsin tutulması, xırıltılı olması
- iş qabiliyyətinin azalması, "səbəbsiz" yorğunluq, zəiflik
- hərarətin bir qədər qalxması
- çəkinin "səbəbsiz" azalması.
Əgər siz siqaret çəkirsinizsə və sizdə bu simptomlar varsa, vaxt itirmədən həkimə müraciət edin”.


Modern.az