Modern.az

Şəhid övladları 23 yaşdan sonra magistraturada təhsilhaqqından azad olunmayacaqlar

Şəhid övladları 23 yaşdan sonra magistraturada təhsilhaqqından azad olunmayacaqlar

Təhsil

20 Oktyabr 2016, 12:46

Şəhid ailəsi üzvlərinin və valideynlərini itirmiş gənclərin Elmlər Akademiyasının magistraturasında pulsuz təhsil ala bilmələri üçün müəyyənləşdirilən 23 yaş məhdudiyyəti götürülməyəcək. Artıq bu məsələ dəyişməyəcək”.

Bunu Modern.az-a açıqlamasında Milli Məclisin Elm və təhsil komitəsinin sədri İsa Həbibbəyli deyib.

Komitə sədri bildirib ki, şəhid ailələrindən olan və atasız-anasız gənclərin əksəriyyəti 23 yaşına qədər əmək fəaliyyətinə başlaya və hətta iş də qura bilirlər:

 “23 yaşından sonra artıq şəxs müstəqil həyata, əmək fəaliyyətinə başlayır, özlərinə iş də qura bilirlər. Ona görə də şəhid ailəsindən olan, eyni zamanda valideynlərini itirmiş gənclər 23 yaşdan sonra magistraturanın təhsil xərclərini ödəyə bilər.  Komitədə və parlamentdə də hamının fikri bu oldu ki, 23 yaş məhdudiyyəti elə olduğu kimi qalsın.

Bu gün magistraturada oxumaq istəyənlərin 90-95 faizi 23 yaşa qədər olan gənclərdir. Yəni artıq magistra təhsili almaq isətəynlərin 95 faizi 23 yaşına qədər təhsilin bu pilləsini başa çatdırmış olur. Buna görə də məhdudiyyəti aradan qaldırmaqdıq”.

Xatırladaq ki, parlamentin 14 oktyabrındakı iclasında Milli Məclisin Səhiyyə komitəsinin sədr müavini Musa Quliyev “Şəhid adının əbədiləşdirilməsi və şəhid ailələrinə edilən güzəştlər haqqında" qanuna edilən dəyişikliklər zamanı təklif etmişdi ki, şəhid ailələrinin və valideynlərini itirmiş gənclərin magistr təhsilində  23 yaş məhdudiyyəti götürülsün.



Ağa AKİFOĞLU

 

 

Instagram
Gündəmdən xəbəriniz olsun!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi