Arxiv
20 Oktyabr 2016, 13:23 | AKTUAL
Tahir Salahovun erməni qaynanası - Tamara Xanım haqda BİLMƏDİKLƏRİMİZ

Məşhur azərbaycanlı Tahir Salahov keçmiş SSRİ məkanının ən tanınmış rəssamlarından biri sayılır. Buna əmin olmaq üçün təkcə ona həyatı boyu verilən mükafatlara nəzər salmaq kifayətədir. SSRİ Xalq rəssamı (1973), Sosialist Əməyi Qəhrəmanı (1989), SSRİ Dövlət mükafatı laureatı (1968), Rusiya Federasiyası Dövlət mükafatı (2012), Azərbaycan SSR Ali Sovetinin deputatı (1963-1967) və s. adlar azərbaycanlı rəssamın layiq görüldüyü çoxsaylı mükafatların çox az bir hissəsidir.

Modern.az saytı tanınmış azərbaycanlı rəssamın bioqrafiyasında maraqlı bir fakt aşkarlayıb. Məlum olub ki, Tahir Salahovun birinci qaynanası – ilk həyat yoldaşının anası əslən Qarabağ ermənisi, tanınmış özbəkistanlı rəqqasə Tamara Petrosyan olub. Yəni Tahir Salahovun ailə həyatı qurduğu ilk qadın - Vansetta Qarayaqubova məşhur rəqqasə Tamara Petrosyanın doğmaca qızıdır.


Tamara Artyomovna Petrosyan müasir özbək musiqisinin ən parlaq nümayəndələrindən biri sayılır. O, Özbəkistan xalq artisti (1932), SSRİ Xalq artisti (1956), 2-ci dərəcəli Stalin mükafatı (1941) laueratı, Lenin ordeni və s. fəxri adlar və mükafatlar qazanmış, özbək xalq rəqslərində geniş islahatlar aparmış müğənni, rəqqasə, aktrisa və xoreoqraf kimi tanınıb.

Tamara Artyomovna Petrosyan daha çox səhnə adı ilə - Tamara Xanım olaraq tanınır. O, 1906-cı il martın 16-da Özbəkistanın Fərqanə şəhərində anadan olub. Onun valideynlərinin Fərqanəyə köçənə qədər Bakıda yaşadıqları, əslən isə Qarabağ erməniləri olduğu məlumdur.



Tamara Petrosyan ilk dəfə 1919-cu ildə Daşkənddə səhnəyə çıxıb. 1925-ci ildə Moskvada teatr texnikumunu bitirib. 1926-1928-ci illərdə isə Daşkənddə etnoqrafik-musiqi ansamblında çıxış edib. Sonrakı illərdə o, Səmərqənd, Kokand və digər şəhərlərində dramatik-musiqi teatrlarının yaradılması ilə məşğul olub.

1936-cı ildə isə o, Özbəkistan filarmoniyasının solisti olub. Böyük Vətən Müharibəsi illərində cəbhədə 1000-dən artıq konsert verib və bu xidmətlərinə görə 1941-ci ildə 2-ci dərəcəli Stalin mükafatı ilə təltif olunur. Qırmızı Ordunun əsgərlərinə müsbət mənəvi-psixoloji təsir göstərdiyinə görə ona kapitan hərbi rütbəsi belə, verilib.

Tamara xanımın birinci əri özbək olub. Bu, Özbəkistan musiqi teatrının yaradıcısı, müğənni (bariton) və Özbəkistanın Xalq artisti (1936) Mühiddin Qarayaqubov idi.
1925-ci ildə Özbəkistan partiya rəhbərləri Tamara Xanımın otağına daxil olurlar və Mühiddin Qarayaqubovu ona təqdim edərək, bundan sonra səhnədə birlikdə çıxış edəcəklərini deyirlər. 1 il sonra onlar artıq evli idi.

Bu nikahdan Tahir Salahovun gələcək həyat yoldaşı Vansetta Qarayaqubova doğulub. Beləliklə, Tahir Salahovun ilk xanımının anası erməni, atası isə özbək olub.

Vansetta Qarayaqubova və Tahir Salahovun nikahından isə üç uşaq doğulub ki, onlardan biri də məşhur rəssam Aydan Salahovadır.

Aydan Salahova öz nənəsi Tamara Xanım haqda müsahibələrindən birində bunları deyib:

“Bizim nənəmiz özbək xalq mahnılarının ifası ilə tanınıb. O 80 dildə mahnı oxuyub. Mərkəzi Asiyada ilk dəfə 16 yaşında səhnəyə hicabsız çıxıb. Həmin vaxt onun 16 yaşı var idi
Nənəm səhnədə ilk əri ilə birlikdə çıxış edirdi. Lakin Tamara Xanım məşhur olduqdan sonra onlar arasında münaqişə başladı və boşandılar”.




Tahir Salahovun birinci xanımı Vansetta Qarayaqubova da daha çox anasının səhnə adına görə Vansetta Xanım kimi tanınıb. O, Moskva Rəssamlıq İnstitutunun tetatr rəssamlığı ixtisasını bitirib. Tahir Salahovla 1947-ci ildə ailə həyatı qurduqdan sonra Bakıya köçüb və filmlər üçün kostyumlar hazırlamqla məşğul olub. Vansetta Xanım daha çox natümort üslublu rəsm əsərləri ilə populyarlıq qazanmışdı.

Vansetta Xanımla Tahir Salahovun nikahından Lara Salahova (1949), Alagöz Salahova (1953) və Aydan Salahova (1964) adlı 3 qız övladı dünyaya gəlib. Lakin sonradan cütlük arasında münasibətlər pozulub.


Boşandıqdan sonra Tahir Salahov Varvara Salahova ilə ailə həyatı qurub. Onların 1977-ci ildə İvan Salahov adlı oğlu dünyaya gəlib.

Yeri gəlmişkən, Tahir Salahovun qızı Aydan Salahovanın keçmiş əri də milliyətcə erməni olub. Modern.az bu haqda da araşdırma aparıb və ayrıca yazı dərc edəcək...

 

Vüqar İSMAYILOV

BU KATEQORİYADAN OLAN DİGƏR XƏBƏRLƏR
+ Arxiv
“Hunday”ın təsisçisinin nəvəsi narkotikə görə tutuldu 21 Aprel 2019, 20:33 Bakıda fəhlə 13-cü mərtəbədən yıxılaraq ölüb 21 Aprel 2019, 20:21 Kamal Kılıçdaroğlu döyülməsindən danışdı: “Şəhidlərin dəfninə getməyimi istəmirlər” 21 Aprel 2019, 20:09 Elməddin Behbud: “Azərbaycan Türk Şurası ölkələri ilə münasibətlərin inkişafı istiqamətində fəaliyyət göstərir” 21 Aprel 2019, 20:08 Yeni rəsm əsəri: Dədə Qorqud və Napoleon bir arada 21 Aprel 2019, 18:29 Kamal Kılıçdaroğlu döyüldü - FOTOLAR 21 Aprel 2019, 18:07 General Bakı Qarnizonu ilə bağlı tapşırıq verdi 21 Aprel 2019, 18:03 Bakıda it 4 yaşlı uşağın üzünü parçaladı - FOTO 21 Aprel 2019, 17:58 AvroLiqanın kuboku Moskvada təqdim olundu 21 Aprel 2019, 17:05 Gürcüstanda aksiya -Polis qazdan və rezin güllədən istfadə etdi 21 Aprel 2019, 16:42 11-ci sinif şagirdləri buraxılış imtahanları veridilər - YENİLƏNİB 21 Aprel 2019, 16:00 Azərbayacn Xarici İşlər Nazirliyindən Şri-Lankada baş verən terrora MÜNASİBƏT 21 Aprel 2019, 15:54 Tovzda 70 yaşlı kişi bıçaqlandı 21 Aprel 2019, 15:40 Dövlət qulluqçusu olmaq istəyənlər imtahan verdi   21 Aprel 2019, 15:10 Şri-Lankada terror aktlarının sayı 8-ə çatdı 21 Aprel 2019, 14:29 Sabahın HAVASI: Yağışlı, küləkli olacaq 21 Aprel 2019, 13:39 10 min dollardan çox kredit borcu olanlara da güzəşt ediləcək   21 Aprel 2019, 13:30 Avtobus  qəzasında xəsarət alanlar evə buraxıldı - YENİLƏNİB 21 Aprel 2019, 13:22 Fransanın Nant şəhərində Azərbaycan məktəbi açıldı   21 Aprel 2019, 12:29 Gömrükdən malların və avtomobillərin keçirilməsi qaydasında DƏYİŞİKLİK 21 Aprel 2019, 12:01 Kürdəmirdə YANĞIN:  5 nəfər yaralandı 21 Aprel 2019, 11:58 Şri-Lankada 6 partlayış: 160 ölü, 500-dən çox yaralı - FOTOLAR- YENİLƏNİB 21 Aprel 2019, 11:28 Kürdə suyun səviyyəsi artdı 21 Aprel 2019, 11:19 Meriya Bəhram Bağırzadə və Tahir İmanova yer bəyəndirə bilmir 21 Aprel 2019, 10:49 Ukraynada prezident seçkilərinin II turu keçirilir 21 Aprel 2019, 10:26 Doğum və ölüm günü bir yerdə qeyd olunan aktrisa - Məşhur cütlüyün ailə FACİƏSİ - FOTOLAR 21 Aprel 2019, 09:49 Ermənilər cəbhədə təxribatlara davam edir 21 Aprel 2019, 09:44 Rektor gənclərə daha 10 tövsiyə verdi: “Hər işi öz zamanında görün” 21 Aprel 2019, 09:26 Tanrı pıçıltısını sözə çevirə bilən xanım 21 Aprel 2019, 09:11 Bakıda mənzildən qadın meyiti tapıldı 21 Aprel 2019, 00:54