Prezident İlham Əliyev bu gün Hacıqabul rayonuna səfər edib. AzərTAc-ın məlumatına görə, ölkə başçısı Hacıqabul şəhərindəki Heydər Əliyev parkında mərhum prezidentin abidəsini ziyarət edib, Hacıqabul şəhərindəki Heydər Əliyev muzeyi ilə tanış olub.
İlham Əliyev Hacıqabulda tikilmiş Uşaq Tibb Mərkəzinin açılışında da iştirak edib, əsaslı yenidənqurma və bərpa işlərindən sonra Hacıqabul rayon mədəniyyət evi ilə tanış olub, kərpic zavodunun açılışına qatılıb.