Modern.az

Qan çatışmazlığına görə donora ehtiyac olmayacaq

Qan çatışmazlığına görə donora ehtiyac olmayacaq

20 Oktyabr 2016, 22:13

Onlar qan çatışmazlığından və müxtəlif qan xəstəliklərindən əziyyət çəkən xəstələrin problemini biryolluq həll etmək niyyətindədirlər. Modern.az saytı “Sputnik”ə istinadən xəbər verir ki, Avstraliya alimləri süni qan hüceyrələri yaratmağa nail olduqlarını açıqlayıblar. Merdok İnstitutundan olan mütəxəssislər öz eksperimentlərində süni materiallardan və kök hüceyrələrdən istifadə ediblər.

 

Hüceyrələrin hazırlanma prosesi 3 həftəyə yaxın vaxt aparıb. Mütəxəssislər qeyd edib ki, onlar laboratoriyada alınan qanla göbək qanı hüceyrələri arasında böyük fərq hiss ediblər. Buna baxmayaraq, faktın özü alimləri belə bir fikrə gətirib ki, hüceyrələri lazımi istiqamətdə inkişafa məcbur etmək olar. Bioloqlar əmindirlər ki, bu ixtira qan köçürülməsinə ehtiyacı olan insanlara yardım edəcək.

 

Əgər daha əvvəl qanın transplantasiyası yalnız donorlardan alınan qan hesabına baş verirdisə, indi süni qandan istifadə etmək mümkün olacaq. Düzdür, hələlik mütəxəssislər bu istiqamətdə tədqiqatlarını davam etdirirlər. Alimlər o qənaətdədirlər ki, bundan sonrakı mərhələ qan xərçəngi başda olmaqla müxtəlif qan xəstəliklərindən əziyyət çəkən xəstələrin biryolluq sağalması üçün tədbirlərin görülməsidir.

 

 

Modern.az

Facebook
Dəqiq xəbəri bizdən alın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi