UEFA-nın yeni klub reytinq siyahısı açıqlanıb.
Modern.az xəbər verir ki, Avropa Liqasının qrup mərhələsinin III turunun oyunlarından sonra siyahıda müəyyən dəyişiklik baş verib.
Siyahıda Azərbaycanın 7 klubunun adı yer alıb. Ən yaxşı göstəriciyə sahib olan “Qarabağ”dır. Bakıda PAOK-u məğlub edən Ağdam təmsilçisi 5 pillə irəliləyərək 15,980 xalla 110-ci yerə yüksəlib.
“Neftçi” 3 pillə geriləyərək 9,700 xalla 159-cu pillədədir.
Səfərdə “Sent Etyen”ə məğlub olan “Qəbələ” 2 pillə geriləyib. Hesabındakı 7,700 xal olan "Qəbələ" 181-ci yərə enib.
Bakı “İnter”i isə 5,950 xalla 220-ci yerdədir.
“Xəzər Lənkəran” 4.450 xalla 280-ci yerdədir.
“Kəpəz” 3,950 xalla 301-ci yerdədir.
Paytaxt klubu “Bakı” 3,700 xalla 309-cudur.
453 klubun yer aldığı siyahıya 150,343 xalla Madrid “Rea”lı başçılıq edir. “Bavariya” 139,213 xalla 2-ci, “Barselona” 136,343 xalla 3-cü pillədədir.
Mirmahmud KAZIMOĞLU
