Modern.az

İdman yarışlarının manipuliyasına görə cinayət məsuliyyəti yaranır

İdman yarışlarının manipuliyasına görə cinayət məsuliyyəti yaranır

Aktual

24 Oktyabr 2016, 14:06

Azərbaycanda idman yarışlarında manipuliyaya, ona qarşı təbliğat və yarışlar zamanı yarışın gedişinə qanunsuz müdaxilə ilə bağlı qadağalar və yeni cəzalar tətbiq olunur.

 

Modern.az-ın xəbərinə görə, bununla əlaqədar Milli Məclisin Gənclər və idman komitəsinin bu gün keçirilən iclasında “Bədən tərbiyəsi və idman haqqında”, o cümlədən Cinayət və Cinayət Prosessual məcəllələrinə əlavələr müzakirəyə çıxarılıb.

“Bədən tərbiyəsi və idman haqqında” qanuna əlavə üçün təklif edilən 40-2 (İdman yarışlarının manipuliyasiyası ilə mübarizə) maddəsinə görə, idman yarışlarının manipuliyasiyası qadağandır.

 

Cinayət Məcəlləsinə əlavə edilən maddə 192-2 (İdman yarışlarının manipluiyasiyası) görə isə, idman yarışlarının manipuliyasiyası məqsədi ilə idmançıya, idman hakiminə, məşqçiyə, sponsora və digər şəxsə onun özü və ya üçüncü şəxslər üçün birbaşa, dolayı yolla, şəxsən və ya vasitəçidən istifadə etməklə maddi və sair nemət, imtiyaz və ya güzəşt təklif olunması, cəhd edilməsi və ya verilməsi, 3 000 manatdan 5 000 manata qədər cərimə və ya 3 ildən 6 ilədək azadlıqdan məhrum etmə nəzərdə tutulur.

 

İdman yarışlarının manipuliyasiyası məqsədi ilə idmançı, idman hakimi, məşqçi, sponsor və ya digər şxəs tərəfindən hər hansı hərəkətə (hərəkətsizliyə) görə onların özü və ya üçüncü şəxslər üçün birbaşa və ya dolayı yolla, şəxsən və ya avsitəçidən istifadə etməklə, maddi və ya sair nemətin, imtiyazın, güzəştin istənilməsi, yaxud alınması, bu barədə təklifin və ya vədin qəbul edilməsi 3 000 manatdan 5 000 manata qədər cərimə, 3 ilə qədər müəyyən vəzifə tutma və müəyyən fəaliyyətlə məşğul olma hüququndan məhrum etməklə 3 ildən 6 ilə qədər azadlqıdan məhrum etmə ilə cəzalandırılacaq.

Layihə Milli Məclisin plenar iclasına tövsiyə olunub.

 

Ağa AKİFOĞLU

            

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir